BAFFACOS ANCHHIA

Mautam hi kum sawmnga dan vel a thleng thin, thleng sual ngai miah lo a ni tih kan hriat theuh a rinawm. Sorkar pawn he hun lo thlen hun a lo in ralrina tur in leh lo hmachhawn tur in Central ah dilna aw an zuk chhuah a,Sorkar laipui chuan duhsak tak in kan harsatna tur te min lo hriatpui in lo in ven nan leh in enkawlna tur in sum pawh tam tham tak mai, a vaibelchhe tel min lo pe reng a.Tichuan he mautam hi mi thenkhat tan chuan vanneihna, len thur thur theih na, mi tam zawk te tan erawh  anchhia ah  a lo chang ta. Sorkar reng reng in a buaina lo thleng tur lak atang a lo in tih len dan hi an thiam em em mai a,central atang a pawisa hmuhna a nih phawt chuan engmah tih hreh pawh nei lo,mahni hmalam hun chiah thlir chung a an rawng bawlsak a te min theihnghilh vek pawh pawi ti lo an ni vek mai.

Eng scheme scheme emaw phuah chawp deuh deuh in an siam a, mipui te lah chu harh thei der chuang lo in engmah hi kan chhutzui peih der loh a vang hian retheih pawh hi kan phu reng a ni?Rampawn atang a lonei mi leh thingtlang khua te mangang au thawm lo chhuak hian hnuk a van ti ulh tak em!A ram hruaitu te an ngawih thup lai a Vai pachal in central a buhfai leina an dil te kha aw, zaktheilo tan lo chuan hawi thaw ven chi pawh a ni lo a sin.Chutih a hnek in malsawmna a ni e an la ti thei leh thil a pawi tawh hnu chauh a hmalak na te hian lung a hnem zo tak tak tawh chuang lo!Mahse Mizo nih nawm em em na, kan kohhran ten a an ruai ei ai a tam tuar te ei tur an han pe te kha hre lo ta phei i la chuan Mizo nih chak na kha a reh ngei ang.Tun ah hian khawnge vaibelchhe tel kan hman tur kha a awm tak? Mi thenkhat te huan ah hmuh tur a awm mai lo maw,huan hungna ah te an lo in zep reng a lo ni lo maw?Mi motor thar leh in thar ah te an lo leng a ni zawk lo maw? Nge ni a tun a hmang ngam chiah si lo, boruak a daih deuh hun a hman a tan a dah that ruk khiau te a lo ni zawk lo maw?

Kei zawng hei hi ka hrethiam thei lul lo.Mautam lo thleng tur kan hria e.A hun pawh kan hre chiang hle.Kum 2004 atang daih tawh khan Mautam vanga harsatna sut kian nan sorkar in ruahmanna lo siam daih tawh mai a.Mahse eng kan ang chuang lo chu a nih hi.Mautam hi eng ang in nge a thawh thin a,engvang a lo awm nge tih pawh hre reng, chumi lo in ven nan pawh a pawisa sanction awm si,nimahsela eng mah a tak a hmuh tur a awm lo hi a ni. Thil har a ni em/Ni lul lo.Lo nei a eizawng ram kan ni.Kan ram hi a zau bawk hek lo.Engvang teh lul hian nge ni a heng sazu mai mai lo pung tur hi kan ven thiam loh? Engineer leh mithiam tam tak awmkhawmna dept nei kan nih na hi enge a awmzia a enge an tangkaina?Eng hna nge an thawh a, an thiamna te engtin fakau hian nge an lo hman?Pawisa hman tur kan nei a, sazu lo pung tur pawh kan hria.Sazu lo pung tur kha a khawm a man theihna dan hria pakhat mah kan lo awm lo tih na em ni zawk?

Sazu mei chuti zat chu DC ah pek a ni tawh tih ngawt ah khan kan lo duh tawk hi kei zawng ka ngaithiam lo a ni!Engvang in nge ruahmanna tha kan neih loh.Kan thil hmachhawn a hi kan hre chiang lo a ni si lo!Sazu lak ah Roreltu thluak nei lo, pawisa hlutna ringawt hria vang in kan ram a tlawm hi a na em a sin! A hun hma kum fe atang te khan research lo neih a, sazu lo pung tur lo dan dan te engvang in nge kan zir loh?Ram hmangaihtu in ti te ram lo hmangaih dan hi a lo va mak em!Sorkar hi mawh han phurh tir loh chi an ni thlawt lo.Mi a leh hmangchang hre lo in ram an kaihhruai chhung hi chuan ram a thang ngai lo ang.Tiang a hmalak na chang an hre lo a nih pawn tlem chuan an thiam awm, nimahse la chutih a hnek a he thil atan liau liau a pawisa hman tur an lo ti chingpen hi chu ngaihdam chi an ni lul lo!

Pu KL Liana an lo sawn te kha a lo mak ta miah lo mai.Pawisa an hmuh tawh hi chuan an A ta vek ni ber awm hian ka hre thin.Heng sum hmang a hma an lak na te kha han thlir kir ta ila, Mautam nen a inzawmna nei miah si lo a pawisa hman ral kha a va tam em.Mipui te hmai pawh zah zo lo in leh min lo bum than tawh em a vang leh an lo eiruk hrat tawh em a vang a man leh hrem an nih ngai chuan si loh avang in huaisar tak in Mipui te chan tur an han ei ngam te hi e, eng tik ah emaw zawng chunglam khian a la thungrul em em ang che u, lo lungngai reng reng suh ang che u.Computer Age a chen tawh hnu a Sazu ngam lo hnam nih hi kan in hmeh lo a sin!Hman hman ah khan heng sazu lo pung tur lo tih rem dan hi lo thiam daih tawh  awm tak chu tih a hnek a sazu man a a mei pe thei te hnen ah sorkar in pawisa a pe ang tih vel kan lo la buaipui hi chu a mangang thlak ngawt mai. Kan rual U te khan lo dawn thiam ni ula tun a kan buai ang hian kan buai lo tur.Tun in thlan lo awm tur ah te hian aw tu nge kan vote tak ang!Rin ngam neih a van har tawh ve le.

Thalai te pawh kan thiam lo a ni.Heng kan hruaitu te kawng lo kawhhmuh a, thiam na sang zawk nei kan nih ang a kan thiamna te kan ram tan a kan lo offer lo hi a pawi a ni.A na chang kan hriat loh vang te pawh a mawhphur ve tur kan nih na lai pawh a awm.In thiamna te hi ram tan a tangkai nan in la hmang ang chu min ti tu te ber in hna lak a awm a kan thiamna te en chuang si lo a a thiam lo te an lak leh thin na  erawh hi chuan kan mawhphurhna a ti nep e.Hnam tangrual thin kha nga ti nge kan tanrual thiam tak tlat loh hi a mak bawk.Kut hnathawktu pawl te an lo ding a, kha tah khan zavai a len mai awm tak, nimahsela pawlkhat mai ni lo a pawl pahnih an ding tlat te kha hriatthiam a har a ni.Inthlan a lo ni a nga,ram hmangaihtu an lo pung leh chiam ang.Mahse mipui te hian kan mawhprurhna hlen in ram hmangaihtu tak tak kan siam tawh a ngem tih hi kan in hnem na tur a lo ni ta e.Mi fel leh rintlak kan thlang thei lo a nih chuan kan la pangngai reng tih na a lo ni dawn asin!

                                                                                             LALREMLIANA PACHUAU

                                                                                    ELECTRONIC CITY,BANGALORE