CAG Report - IV

Vawk hmaa Tuikep-lunghlu paihah ka inchan rualin, mihring mizia, he Report ka tarlan atang hian a hriat ve theih ri ruaiin ka hria! Kan buaipui zawng leh kan titi duhzawng tam tak hian kan nunphung niawm leh kan ngaihhlut zawng a tarlang ve bawk thin a, fing tak taka thu leh hle chhepa, hlawkna awm lova inhnialna atthlaka tel peih nazawng hian thu tak buaipui kawngah tha thawh lem lo mahsela, fing niawm taka in ngai fing chuang si lo te, atna pai niawm tak, fing taka ngawi reng site pawh a awm theih bawk awm e.

Tun tumah chuan Performance Audit hnuaia P&E Dept, Transport Dept leh E&F Dept lam in tum phawt teh ang. 

P&E Dept hnuaiah bik hian RGGVY hmalakna chungchang chiah hi Audit tute hian an endik niawm tak a ni a. RGGVY hi kum 2005 atanga kalpui tan tawh kha niin Thingtlanga in leh lo zawng zawnga Electric eng pek hnathawktu ber a ni a, hman anih atanga kum 5 chhunga engkim peih hman tura duan a ni. Mizoramah chuan Thingkung Electric ban hmanga kalpui a ni a, kum 2008 atanga hman tan niin kum 2010 thleng target a neih a ni. Chu chu a takin a thlen leh thlen loh chu in hriat zawk ka ring. Heta tan hian GOI hian 90% Capital Subsidy a rawn tum a, a bak hi State-in a tum ve tur a ni thung. 

Detailed Project Report siamthat a zin lutuk avangin he Scheme tihpuitlin kawngah hian nasa taka hun tihkhawtlai a ni phawt a. Consultancy hnathawh nan ringawt leh chumiin a kaihhnawih thil avang ngawtin pawisa senna ngai miah lovah Rs 5.35 Cr, Consultancy Charges atan hmanral a ni a, a uihawm dan hi a thuahhnih ngawt mai. 

Thingban hmanga Electric hi buaipui anih avangin Contractor zingah Delay works tam tak awm hmuhchhuah a ni a, chu chuan nasa takin he scheme implement kawngah chet a timuang zoi vek a ni. He mai ni lo hian Contractor te hian bungrua Rs 4.86 Cr zet mai hu chu pechhuak a insawi siin heng bungrua hi pakhatmah dawn a ni lo reng reng bawk!

Transport bikah hian tun dinhmunah chuan Bus 33 service tir mek an ni a. He detpt bikah hi chuan hnathawhna man a san loh nan te, Privatisation chungchanga rawtna thlen leh thil dang tam tak, motor hlui a thara thlek leh a hlui hluihlawnte an hmalakna tur anih laiin Dept lam hian a engamah an ti lo reng reng tih hmuhchhuah a ni a. Chuvang chuan hlohna lo thleng hi Dept hian a control thei lova, amah leh amah a intichhia a ni ber.

Nitina Bus service tir, khaw kar leh khaw kar a mi hi kum 2008-09 a Bus 30 Service atang khan kum 2011-12 kha chuan Bus 19 chauh an service tawh a, he dept-ah hian hmasawnna lam hawi hmuh tur a awm lova, tlakchhiat lam a pan tual tual tih a chiang hle. Hei vang hian Sorkar hnathawk awm awl, hlawh tam tak tak la ve tho si an pun chak phah hle dawn tih a hriat theih awm e.

Hnathawktu mamawh aia tam an awm avang hian kum 2008-09 chhung khan km khat zelah Rs 67.54 sen a ni a, kum 2012-13 a lo nih meuh chuan Rs 191.41/km a kai chho dawrh mai a ni. State Planning Board hian kum 2009 daih tawhah khan hemi chungchanga hmalakna nei tur hian Dept hnenah thu a lo pe tawh a, mahse engti kawng mahin hmalakna hmuh tur a la awm lo. Hloh bawk, thawktu lakbelh bawk hi a awmzia hriatthiam a har fu a ni.

Revenue Sector hnuaia E&F Dept hnuaiah hian Point 5 han tarlan tum leh ta ila. E&F bikah hian CAMPA an tih mai State Compensatory Afforestation Fund Management and Planning Authority chungchang bik kan rawn thlujr leh dawn a ni. 

Record bulthut, kumtluana pawisa kalkual dan, leh pawisa dawn leh pekchhuah record mumal pakhatmah an neih lo a, an maintain lo reng reng tih hmuhchhuah a ni a, engtak chu an accounts lam hian thawk tak ang maw?

Compensatory Afforestation Fund Rs 10.83 Lakhs hu zet mai chu kum 12 chhung zet mai hren tan a loni reng a, E&F Dept inpeihlohna leh thatchhiatna vang liau liau a ni tih hmuhchhuah a ni bawk. Hemiin a khawih pawi em em chu, Compensatory Afforestation tihhlawhtlinna tur hmun Non-Forest hmalakna atana Forest area an divert hnuaia Project 5 ngawt maite chu Dept Fund awm reng chungin hmalakna reng reng a awm loh phah hi a ni.

Sorkar hian Rs 245.35 Cr zet mai Afforestation atana hman tur chu Net Present Value a taka a chantir loh vang maiin a han hmang thei lo ngawt mai hi a lungchhiatthlawk tawpkhawkin ka hria! Chutih rual tho chuan E&F Dept hian Rs 12.14 Lakhs lai chu PWD lakah Afforestation hmalak nana NPV tho a taka a chantir loh avang hian a chan zui bawk a ni.

Hei bakah hian Catchment Area Treatment Plan (CATP) an tih mai chu a Plan a hrim hrim pawh kum 16 chhung zet mai an lo submit tawh loh avangin GOI atanga sum tam tham em em lo kal tur chu tun thleng hian kan la hmuh theih loh phah ta a, State dang chuan an hmu teuh nghe nghe a ni.