Shakespeare's Beautiful Quotes

Men are April when they woo,
December when they wed.
Maids are May when they are
maids, but the sky changeswhen they are wives.

"Mipa di chhaia leng chu Thal romei zam chiai, lung ti leng vawng vawng ang an ni a,
Inneih zawh erawh chuan Thlasik khawvawt ang maia tawrhhlelhawmin a vin thung si!
Nula, la leng chu Thal khawlum laia thlifim vawt ang maia tawrh nuam an ni a,
Inneih hnu erawh zawngin To ruah thimpui ianga tawrhhlelhawm an chang si thin!"

"Hmeichhia hi zawng an fin zawh poh leh hian,
Enkawl an khirh ting mai zawng a lo ni e!"

"Hmeichhe lei li hi zawngin,
A hunah pawh, hun lovah pawh,
Ka chhunga a beh chhung chuan,
Chhuanlam tur a hmai ngai love!"

"Siamtu'n hringfa hmangaihna a duan lai khan,
Suangtuahna fim a bilh tel lova,
Finna thinlung a pawlh hek lo,
Hmangaihna bak hmuhfiah theihna lah a tuh bawk lova,
Hmangaihna chuan mihring a bual a zo ta vek reng a ni!"

"Mi a chu fing emaw inti in a thaw chapo thin a,
Mifing erawh chuan a atna hriain a inphahhnuai thin.

A fool thinks himself to be wise, but a
wise man knows himself to be a fool."

"Hmangaihna chu thinlung duhthusama khat,
Tisa chakna leh thlarau beiseinaa din,
Damlo duattu, thutiam leh tihtur hlen thin,
Fellohna hmu thiam a,
Chapona laka in ngaitlawm,
Tawrhna kara dawhthei leh thlakhlelhnaa khat,
Bawlhhlawh kara thianghlima khat,
Ngaihruatna finfiahtu leh engkim hmuhfiahna kawltu a ni e."

"Khuanu hian hmeichhia hmelthatna a pekte hi rinawmna in a thuam mawi lo chawk a,
Rinawmna lama a thuam thatte lah hi hmaifang lamah a duhsak tehchiam leh si lo!"

"Khawvela nunna nei tawh phawtte chu,
Thihna nun tem vek tura siam an ni ang bawkin,
Hmangaihna reng reng pawh hi,
Atsonaah a tawp ve ziah thin!"