Tun tum chu chang dang thlakin General Sector lam hawi lovin Urban leh Local Boby lam in hawi thung lawk teh ang. AMC buaina chuangchangah inchirhthehna a nasa a, ka rilru lam erawh chuan, Party ni lovin mipui zahawmzia leh thlangtlingtu chu tunge ni a, thlantlina chuan tu lakah nge mawhphurhna a neih tih lam a ngaihtuah daih thung!
AMC kan tih hi Urban Local Body, Mizorama kan neih chhun a ni a, chumi hnuaiah chuan Wards 19 awmin anni hnuaiah hian Local Council 82 an awm leh a ni. Secretary, UD&PA hi Nodal Dept a ni a, Chairperson kaihruaina hnuaia he Body hi hnathawk a ni.
Mizoram Sorkar rorelna chuan AMC hian amahin a Budget a pharh ang a, National Minicipal Accounts Manual milin Accounts a vawng bawk tur a ni a ti a. Mahse, AMC Annual Budget leh Account vawndan hian he thupek hi an zawmlo tih chiang taka hailanin a awm a, action lak phei chu a awm chuang lem lo niin a lang. Chubakah chuan, Mizoram Finance Commission Report, 2013-2018 siam anih loh avangin Sorkar tan chuan Local Body te sum leh pai lama hmasawn tirna kawnga puih ngaihna a nei hauh lo bawk.
Audir endikna atanga a landan chuan ADC 3 kan neihte hnenah hian Sorkar lam hian Special Area Basic Grants, Rs 0.52 Cr zet mai chu March 2013 thleng khan pek tur awm a la pe lo tih a hmuchhuak a.
AMC Capital Assets (Rotling) siamna tur atan a Action Plan approve (remtih) tawh Rs 5.93 Cr zet ThFc (13th Finance Commission) ten an pek tawh chu UD&PA Guidelines hrula an pekchhuah tlai avangin March 2013 thleng khan Rs 3.22 Cr zet chu hman theih lohin a awm phah a ni.
Chumi pekchhuah tlai avanga chawi tur (a hun taka pawisa release lohnaah hian pawisa chawi tur a awm ziah) tih Rs 17.414 Lakhs pawh Sorkar lam hian a la pechhuak miah lo bawk a, pek tur a nei lo nge, a dahtha zawk tih zawhna a awm thei awm e.
AMC a an EE hian Ward 19 a Minor Works atana hmalakna tur estimate 316 a duang chhuak a, chumi hlutna chu Rs 237.25 Lakhs lai a ni. Hetah hian Estimated Cost atanga Contractor ten hlawkna an hmuh 10% cut tur anih lai hian cut sak reng reng zu han awm hauh lova maw le!
Ministry of Finance hnenah Sorkar hian Grants thenkhat, ni 2-146 chhunga release tur a release theih loh avangin Rs 7.15 Lakhs a chawi ringawt bawk a ni.
Section 59 (2) ang chuan AMC hian Department 17 a enkawl tur anih lai hian tunah chuan Dept 7 chiah enkawl tir an ni a, chung lah chu sum leh pai tam lohna hlir emaw tih mai tur an ni leh nghal!
Delay a tam a, sum pekchhuah loh a tam a, chumi avanga sum a lo thlawn a pek kir a tam bawk. Chubakah anih tur ang takin AMC hi a function lo tih a langchiang hle bawk a ni!
No comments:
Post a Comment