Shakespeare : The World is a stage

Hringnun khawvel hi Ennawm chhuahna dawhsan a ni a,
Ennawm entirtu pawh a hmei a pa hi an ni,
An chanpual hlen tura lan hun leh liam hun an nei vek a,
Mi pakhat chauh pawn chan tam tak,
Then sarih lai a nei!
Chan khatnaah chuan nausen angin a rawn inlan a,
Chu hun chu awmtleitu kuta zun leh ek thlah hunlai, chiauhiar hun a ni,
Chan hnihnaah chuan sikul naupang lunghnur taka tirhluih,
Sikul kai peilo rawltawpa tap
angin a rawn inlan a,
Chan thumnaah chuan hmangaihna meipui thinlung inhlap ri thuai thuai,
A mitmeng pawh ngaih lunglen tumna a khat angin a rawn inlan a,
Chan li-naah chuan sipai anchhe pai thinlung keite khabe hmul zuah,
Chawimawi dawn nana itsikna nunpuia insual peih at reng,
Laipui leh laifei kara ngaihtuah dang reng neilo angin a rawn inlan a,
Chan nganaah chuan finna zawnga ngaihtuahna dulkiar patling,
Phungthlukna nena mit lena hriatna khabe hmul zuah angin a inlan a,
Chan ruknaah chuan a fuke remin puan a chei tan a,
A tisa vun a lo sawng a, tarmit uaithla a bun a,
A hrawk a hnawk tan a, naupanchhiat lam pan,
Hringnun khawvel vanglai ten an liamsan tan tawh angin a inlan a,
Chan sarih leh chan tawpna ber chu engkim tawpna lan hnuhnung ber,
Tar lama naupan that lehna ang a ni,
Ha a tlabal a, khaw hmuh a fiah lova,
Ka rengin tui leh tuilo a thliar thiam tawh lova,
Amah chawpin engkim an ral ta!