Nang hi a ni lawm ni, pangpar anga vul lai zawnga duhawm,
Ni a lo sata chuai leh ta mai chu?
I taksa leh rilru reng pawh hi,
Englai mahin tuma ta a ni ngai lo a ni lawm ni?
Zahthlak leh inchhirna chiah em ni i pek thin a?
Hmechhia, nang zawng fel, tha leh fimkhur i lan reng lai pawn,
Englai khan nge i lo chetsual hman thin a,
Tlangrel i lo kai hmang reng ka hre si lo!
Pangpar kuhmum nget kher tawh ang maiin,
Mawi leh duhawm taka par chhuah i nei ngai ta na nge?
Lepchiahna kawng zau zawh nawm i tihna,
A kawng chhuk chho i bel tluk pawn i thutiam i hre reng mawlh lo!
I neih bakin ka ta chenin inthuam mawiin,
Nawmsakna tinreng thir khaidiatin i thinlungah i thlung tlat a,
Mawi hnai taka mi thlem laiin mawilo takin midang lakah i khawsa thin a,
Inphalrai zawng ka kiangah chauh lo chuan i nitin zia a lo ni e!
No comments:
Post a Comment