Min Sel A Maw?

Hetiang ang tak hian ngah nge i lunglen i rak mi ti maw?
Ang chauh hi zawng, a awmzia ka hre ve lo,
Ka sakhmela nui hmel zam lo te,
Ka lungleng mittui far reh hlei thei lo te,
Lang thei zawnga ka lantir aia a der lunglen thiamna hian mi khum bik lo reng a ni!

Mi pawh an lungleng ve tho mi ti maw?
Nangni in hlima in lungawi laia,
Nguina thlarau chan bik zawng,
Fahrah chan ka va iang zozai ve le,
Tui ralin dairialah chang ila, in lawm a kim zawk awm si a!

Thla hnih chhung lekin ti tak hian khawvel mawina a chuai si maw?
Ka khawvel zawng thlawhhma ram ang mai a ni a,
A mawina zawng pawh hnim ro ri re ang mai a chang zo ta,
Kei chauh hi em ni D ngaih lunglen vanga zak bik tur?

Ani kha zawng ka bula a chen lai khan,
Thlifim tak ngial pawn a vun no a chhempilh ang tih hlau khan,
Keh thei dawm khan ka dawm thin a ni si a,
Ni thlar te pawh khan a taksa a em na palh ang tih hlau khan ka vawng him bawk thin a sin!

Engtin nge ka tel lo chuan khawvel hian a sawisak ang ni?
Ka hliahkhuhna tel lo hliahkhuhna chu a dampui ang maw?
Ka lunglenna hian thlamuanna a keng tel a,
Ka mittui hian damna tui nung a chhuah a ni zawk e!