Hringnun - V

Engvangin nge khawtinah mi suaksualte an nun a,
An upat hnuah an hmuingil tak em em?
An rila rah an lo ngheh a, an puanin a lo zau zel?
Chhiatna lakah an him a, an vawkpate thlenga malsawmna an
chan tak reng?

Engvangin nge mi suaksualte remruat a hmuingil a,
Hotu leh roreltu an lo nih a, mi lian an nih tak mai?
Dinhmun sang leh awhawm an chan zel tak le?
Zah an kai a, finna nei lo parawn an nih tak. mai?

Engvangin nge mi suaksualte chu awhawm an nih a,
Chawimawina parthi hlan an nih tak mai?
Thil thalo reng an chunga a thlen lohva,
A ni tela malsawm an dawn a pun tak thur thur chu le?

Engvangin nge mi felte chuan nuihzat an hlawh a,
Dikna reng an tan hlenchhuah a nih tak loh?
A chan chhia ngawt an chan tak reng a,
Vangduaina an chungah leihbuak a nih tak mai le?

Siam tirh ata hunbi ruat leh duanlawk sa,
A duhdante a hunbi tuk leh ruahman lawk,
Thleng tur leh thleng tawh duan lawk a chu,
Mihring tan hriatthiam rual em ni?

Heng zawng zawngah hian Ani chu a thafamkim si a,
A remruat reng sawiselna tur a awm lo,
Engkim a hriat loh reng a awm si lova,
A dante chu a famkim zawk a ni.

Mi suaksualte hunbi lo thlen hun chuan,
An vanneih ni reng hre lovin,
Hun lawmawm an chan tawh thlir lovin,