Tunlai Mizoramah thil thleng tam tak a awm a, mahse a chhunga cheng mipuite ber kan ngawih tlat si avangin kan Politician te chuan an duh duh an sawi a, an ka an ang a ni ber a. Mipuite tan pawh thudik ber hriat a har em em mek a ni. Chutih mek lai chuan ramkan nasat avangin tui kan harsa em em a, NLUP avang te hian engtikah nge ramkan hi a ziaawm dawn tih ngaihtuahloh har tak a ni. Ramri buaina chungchanga inchirhthehna a tam em em a, a sawi hnuhnung apiangin an sawi huai a, a sawi hmasa an deu ni berin a lang bawk. Kum 15 chhung atan Road Tax kan pek te chuan Aizawl khawpui chhung kawng tlemte bak a siamtha zo lo niin a lang bawk. Phantom-a chungchangah lah chuan engmah kan hrechiang hlei thei lova, CM nunna hial a derthawng tihte thlengin kan han hre zui a, chuti chung chuan mipuite hi kan ngawi thei em em chu anih si hi!
Tunah hian Mizoram mimal tinte hian Rs 50,008/- vel ba nei ang kan ni tih kan inhria a. Mahse, hei hian mi thenkhat ngeng a chhun zo lova, Financial Institution te pawhin ngaihthatloh nachang an hre bik chuang hek lo! Khawvel (Indian) Economy ziaawm chho mek zelah Finance Ministry chuan thuchhuah siamin hmalak dan tur leh mipui ngaihdan lakkhawmna a nei mek a. Mahse, Mizoram chuan hei hi kan tangkaipui ve vak thei tlatlo tih pawh kan hre theuh awm e. Anihna takah chuan kan Sum Bawm hi sen thut thei a ni tih i ngaihtuah tlang ang u. Chu chuan manganna min pe sela, manganna chuan harchhuahna hmunah min hruai mawlh tehse. Mipuite pawh hian Sorkar sum hmandan hi chik taka kan venpui a ngai tak zet zet tawh a ni. Mahse, chuti chung chuan mipui kan la ngawi thei em em si anih hi!
Mizoram sorkarin a man tlawma buhfai hralh avanga mipui sum cheng tam tak a hloh thin avangin buhfai man tihto tumna a awm niin a lang a. Hetianga mipui phurrit nasa tak thlen tura sorkarin hma lak a tum hi Prism chuan tha an ti lo tih an tarlang mek a. Kan sorkar mek leh kalta te khan nawmchenna anga ngaih theih sum senna, mipui tana tangkai miah lo an ngah hle a. Mipui phurrit siam belhchhah tura buhfai man an tihto hmain heng, thla tina Rs 243,93,000/- vel zet sen thinna- Minister, MLA leh Officer lian ho awmpui rawih sakna te; Minister leh MLA te tana driver rawih sakna te; Minister leh Speaker te entertainment allownce te; mahni in ngeia cheng reng chunga Minister, MLA leh officer lian tam zawkin inluahman an dawn te; leh Minister leh MLA te in cheisakna atana sum sen thin te hi titawp phawt turin sorkar an phut a ni. Mahse, a tuartu tur ber mipuite hi kan ngawi thei em em si anih hi!
Hei mai bakah hian, mipuiin sorkar kan chhawr tangkaina ber ber buhfai, tui leh electricity power man te tihto tumna a awm nia a lan laiin; an entitlement aia tam leh tha motor leh hmanraw chi hrang hrang kawl leh hmang an tam em em a. Nawmchenna anga ngaih theih leh duhsak zawngte hna siam sakna ni a lang, sum senna hautak tak tak si, a lova awm theih ni mai lova chak zawka hna thawh theihna tur a tam hle a. Prism in an chhut dan chuan tuna sorkarin inrelbawlna atana sum a sen thin zinga kum tin cheng nuai 59,610/- lai senna hi tihtawp theih a ni a. Hetianga tul lova sum senna tihtawp tum si lova mipui phur tirit zawnga hma lak a ni fo hi tha an ti lo hle tih an tarlang a. Hei hi mipuite hian kan ngai pawimawhlo hle niin a lang a, hetiang ang kan hotuten kan sum leh pai an chenral pawh hi a hlawkna kan lo telve nge ni teh reng dawn ni, mipuite hi kan ngawi thei hle si a!
Hlawh lak theihloh, Gas vang, chuti chung si a Black a lei tur awm reng tho si! Petrol hmuh ve chhun thianghlim hlei thei lo, buhfai buk tling chuang bawk heklo! Sualna zawng zawng tlenfainana Pathianni a inti Pathian mi em em awmkhawmna ramah hian harsat mangannna lo thleng ta pawh nise, awmlo a ni hauhin ka ringlo. Hrem hi chu kan phu tawh hle naa, Pathiana mi thahnemngai leh tawngtai tak tak thin mi tlemte an la awm hi kan vanneihna ni mahse, a rengin a theih chuang lovang. Dan leh dun lah chuan ngam zawng nei niawm fahranin ro a rel tawh a, a hman hmanin FIR an thehlut a, chutih laiin Sorkara milian tak tak thenkhat, damdawi hmang a sumdawnna lo nei an man te leh mi harsa te te leh hausa thur thur kan enna mit lah chu a inang vek tho si! Zah nachang hre miahlo leh nakin lawkah an thiltih nghawng pawi tur zia pawh dawn duh lova mahni pumpui chauh hmangaih tute chungah hian Lei rorelna hian engmah thlenlo mahsela, Van Rorelna, hlauh neilo leh mitin an thiltih ang zela a pek tur lo thlen hunah chuan sawipuitu tur an nei tawh bik lovang!
Mahni chanvo leh dikna ngawih ngawihah pawh ngawi tlatte hi thiam an chan a, an chanvo leh dikna hlenchhuah anih ngawt nachhan tur a awmlo! He khawvela kan la awm ve tek tek chhung hi chuan a chak chak dinchhuahna anih avangin ngawi reng chungin kan tan Rorelna Dik a luang lovang! Mi huaisen, kan tana penchhuak tute an awm pawha anmahni thlawp ngamlo leh an hnungzui ngamlo hlir em ni kan nih zawh tak? Kan pi leh pute kha ngai mawl viau mah ila, rawn tho leh ta sela chuan Hnam Dawihzepah min ngai tawh viau hian ka ring thin a ni. Luchhum ban chhum huama dikna nena an lo humhalh kan Hnam kan enkawl danah hian an lungawi lovang! Thudik leh thil dik titute tuarna ramah kan ram hi kan siam tan mek a, chutih laiin thawveng tak leh hlauh nei hauh lova mi chunga leng ten an len an sim duhlo hi mipuite kan ngawih reng vang a ni mai lo’ng maw? Roreltute diklona hmu reng chunga ngawi rengte chungah hian eng rorelna mah a thleng lovang a, an duh an makin min sawisa kumkhua mai dawn zawk a ni tih i hrechiang teh ang u.
Zoram Mipuite, kan ngawi thei lua a ni!
Tunah hian Mizoram mimal tinte hian Rs 50,008/- vel ba nei ang kan ni tih kan inhria a. Mahse, hei hian mi thenkhat ngeng a chhun zo lova, Financial Institution te pawhin ngaihthatloh nachang an hre bik chuang hek lo! Khawvel (Indian) Economy ziaawm chho mek zelah Finance Ministry chuan thuchhuah siamin hmalak dan tur leh mipui ngaihdan lakkhawmna a nei mek a. Mahse, Mizoram chuan hei hi kan tangkaipui ve vak thei tlatlo tih pawh kan hre theuh awm e. Anihna takah chuan kan Sum Bawm hi sen thut thei a ni tih i ngaihtuah tlang ang u. Chu chuan manganna min pe sela, manganna chuan harchhuahna hmunah min hruai mawlh tehse. Mipuite pawh hian Sorkar sum hmandan hi chik taka kan venpui a ngai tak zet zet tawh a ni. Mahse, chuti chung chuan mipui kan la ngawi thei em em si anih hi!
Mizoram sorkarin a man tlawma buhfai hralh avanga mipui sum cheng tam tak a hloh thin avangin buhfai man tihto tumna a awm niin a lang a. Hetianga mipui phurrit nasa tak thlen tura sorkarin hma lak a tum hi Prism chuan tha an ti lo tih an tarlang mek a. Kan sorkar mek leh kalta te khan nawmchenna anga ngaih theih sum senna, mipui tana tangkai miah lo an ngah hle a. Mipui phurrit siam belhchhah tura buhfai man an tihto hmain heng, thla tina Rs 243,93,000/- vel zet sen thinna- Minister, MLA leh Officer lian ho awmpui rawih sakna te; Minister leh MLA te tana driver rawih sakna te; Minister leh Speaker te entertainment allownce te; mahni in ngeia cheng reng chunga Minister, MLA leh officer lian tam zawkin inluahman an dawn te; leh Minister leh MLA te in cheisakna atana sum sen thin te hi titawp phawt turin sorkar an phut a ni. Mahse, a tuartu tur ber mipuite hi kan ngawi thei em em si anih hi!
Hei mai bakah hian, mipuiin sorkar kan chhawr tangkaina ber ber buhfai, tui leh electricity power man te tihto tumna a awm nia a lan laiin; an entitlement aia tam leh tha motor leh hmanraw chi hrang hrang kawl leh hmang an tam em em a. Nawmchenna anga ngaih theih leh duhsak zawngte hna siam sakna ni a lang, sum senna hautak tak tak si, a lova awm theih ni mai lova chak zawka hna thawh theihna tur a tam hle a. Prism in an chhut dan chuan tuna sorkarin inrelbawlna atana sum a sen thin zinga kum tin cheng nuai 59,610/- lai senna hi tihtawp theih a ni a. Hetianga tul lova sum senna tihtawp tum si lova mipui phur tirit zawnga hma lak a ni fo hi tha an ti lo hle tih an tarlang a. Hei hi mipuite hian kan ngai pawimawhlo hle niin a lang a, hetiang ang kan hotuten kan sum leh pai an chenral pawh hi a hlawkna kan lo telve nge ni teh reng dawn ni, mipuite hi kan ngawi thei hle si a!
Hlawh lak theihloh, Gas vang, chuti chung si a Black a lei tur awm reng tho si! Petrol hmuh ve chhun thianghlim hlei thei lo, buhfai buk tling chuang bawk heklo! Sualna zawng zawng tlenfainana Pathianni a inti Pathian mi em em awmkhawmna ramah hian harsat mangannna lo thleng ta pawh nise, awmlo a ni hauhin ka ringlo. Hrem hi chu kan phu tawh hle naa, Pathiana mi thahnemngai leh tawngtai tak tak thin mi tlemte an la awm hi kan vanneihna ni mahse, a rengin a theih chuang lovang. Dan leh dun lah chuan ngam zawng nei niawm fahranin ro a rel tawh a, a hman hmanin FIR an thehlut a, chutih laiin Sorkara milian tak tak thenkhat, damdawi hmang a sumdawnna lo nei an man te leh mi harsa te te leh hausa thur thur kan enna mit lah chu a inang vek tho si! Zah nachang hre miahlo leh nakin lawkah an thiltih nghawng pawi tur zia pawh dawn duh lova mahni pumpui chauh hmangaih tute chungah hian Lei rorelna hian engmah thlenlo mahsela, Van Rorelna, hlauh neilo leh mitin an thiltih ang zela a pek tur lo thlen hunah chuan sawipuitu tur an nei tawh bik lovang!
Mahni chanvo leh dikna ngawih ngawihah pawh ngawi tlatte hi thiam an chan a, an chanvo leh dikna hlenchhuah anih ngawt nachhan tur a awmlo! He khawvela kan la awm ve tek tek chhung hi chuan a chak chak dinchhuahna anih avangin ngawi reng chungin kan tan Rorelna Dik a luang lovang! Mi huaisen, kan tana penchhuak tute an awm pawha anmahni thlawp ngamlo leh an hnungzui ngamlo hlir em ni kan nih zawh tak? Kan pi leh pute kha ngai mawl viau mah ila, rawn tho leh ta sela chuan Hnam Dawihzepah min ngai tawh viau hian ka ring thin a ni. Luchhum ban chhum huama dikna nena an lo humhalh kan Hnam kan enkawl danah hian an lungawi lovang! Thudik leh thil dik titute tuarna ramah kan ram hi kan siam tan mek a, chutih laiin thawveng tak leh hlauh nei hauh lova mi chunga leng ten an len an sim duhlo hi mipuite kan ngawih reng vang a ni mai lo’ng maw? Roreltute diklona hmu reng chunga ngawi rengte chungah hian eng rorelna mah a thleng lovang a, an duh an makin min sawisa kumkhua mai dawn zawk a ni tih i hrechiang teh ang u.
Zoram Mipuite, kan ngawi thei lua a ni!
No comments:
Post a Comment