Ka tlawm e, tunah chuan ka chawl tawh rih ang ka tih ka tih pawn in duh lova, in cho va, in rim a, in rimthlu ta nge nge a ni e. Ka rilru-ah hian thuziak sen loh ka kawl a, chu chu nangni chungchang bak a ni lova, ram leh hnam hnuk khawih hlir a ni bawk a, kan nih nih kan ni leh mai a ni ang chu! Secretariat Administration Department (SAD) chuan thuchhuah siamin, minister leh parliamentary secretary-te hman tur motor lei thar chu a tul vang leh mamawhna vang liau liau niin an tarlang. Sorkar hmasa hunlai atang tawh khan mipui tawrh tur hre duh hau si lova, Sorkarna kan chelh lai a lawm tih avanga ramin hma a sawn phahna kawng khat pawh thleng chuang si lova thutlukna mawlmang leh huaisar tak tak siam kan ching hle a. Mipui hnena kan sawi apiang hi a Accountable chu a ni mai tih rilru kan pu a ni ber. Mipui lah kan ngawih theih phian thin avangin an duh ang angin thil an ti ngam reng bawk thin.
Tunah pawh Motor an han lei ngawt a, Chanchinbu lamah sawiselna a nasat tak em-ah chuan kan duh leh kan lei ang a, zahawmna atana lawm kan lei ti pung pung kha SAD lam chuan chhan an ngai e, tiin inthlahual nan niawm fahran thu an han chhuah ta chu a ni a. A tir atangin SAD thuchhuah hi chapona tello khan motor lei dawnah min hrilh ve mai awm hi a ni a! SAD lam thuchhuah hi chhut chian tak tak chuan belhchian a dawl fahran hauh lo mai. Motor lei thar apiangte hnenah Road Tax kum 15 lak anih lai khan tuna Sorkarna chang mekte hian an sorkar hmasak tirh, 17 April 2009 khan Minister 11 leh PS 6 te tan hian Verna Car 17 ngawt a lo lei tawh a. Kum 5 an han hmang liam a, an motor a han chhe ta tlat mai hi awihawm loh tak a ni. Facebook lamah chuan an Car hluihlawn tur hmelhmang chiang taka tarlan anih avangin an Car hman mekte hi a hlui zawk zawk lo tih mipuite hian i hre thar teh ang u.
Mi retheiin in ropuiah zahawm taka awm tum ta sela, a tum angin a awm thei chuang lovang. Zahawmna hi lei chi a ni lova, thawhchhuah a neih theih chauh a ni zawk! Motor changkang leh manto kan neih avanga zahawm ta dawn dawna kan inhria anih chuan pute u, JCB man aia to motor a awm chuang em ni? In zavaiin hian han chuang ta ula, in zahawm na meuh emaw dawn chu le? I tawngvai a ni ti raw, ka pu? Mamawhna avanga lei kan ni in inti maw? Kan nunchhuah nana kan mamawh leh lan ropui leh zual nan leh nawmsak nana mamawh insawifiah hmasak zet loh chuan nitin kan dam khawchhuah theih nana kan mamawh chu lirthei hi a ni lo tawp a ni lawm ni, ka pu? Mamawh dang kan ngah tih in hai lova, hreawm tuar chunga Ram rawngbawl inpeih si loh chuan ngah nge in ban mai loh chu le? Ban chu a teuh lo a ni lawm ni? Ram hruaina hna hi damchhung a thawh a, eizawnna atana hun puma hman tum in nih avang a ni zawk e, in mamawh i neih avanga mipui mamawh tlem dawn a zedng ni si lo hian!
Vawi tam tak in tawngkam hman fimkhur turin kan ti tawh che u a, in sim duh hauh lo hi a mak in ti ve lo maw? Mipuite hi tunhma ang renga mawl leh in thusawi apiang awih liam duak duak tur hian engchen nge min beisei in tum chu le? Harh mawlh teh u khai! Anih leh ram rawngbawl in tum kawnga heti tak maia nuamsa a rawngbawl in la tum fo mai hi a mak pawh inti peih tawh lo a ni lawm ni? CM hian engvangin nge amah chiah kan thlantlin laia motor 5 teh ngawt a mamawh ang? Motor pakhat hmanga rawngbawl thei lova in ngai chu a va han nep thlak teh tawl ve maw le! Minister hi pakhat chauh kan thlan an ni a, motor 3 hmanga ram rawngbawl a tulna ka va hre lo em! Mi pakhat hi motor 3 a chuang kawp thei tihna em ni? In thuihruai leh kaihza vengtute hi kan thlantlin an ni hlei nem, engvanga mipuite pawisa hmanga motor hman tur lo nei ve ngawt thiang nge an nih tak mai a? An duh leh anmahni hman tur chu inlei ve ang hmiang!
Motor tlawm zawk in lei avanga pawisa tam tham tak humhimah in in ngai a maw? lei ta lo ula engzata tam nge maw kan hum zawk dawn le? Pawisa tlem a zawng in hum avanga inremchem thiam ta viauah kan ngaih che u inring a maw ni le? Sorkar hnathawk turin mi pakhat lak anih laia engvanga motor pakhat duhtawk lova, pahnih pathum pek an ngaih tak mai chu le? Hei hi a ni maw entawn tura min hnutchhiah in tum chu? Nangni anga Car thar tha tha kan lei theih loh avanga phak ang tawka kan car thar lei man tlawm chi te hian engtin nge kum 15 daih se intih ve tak chu le?
Engvanga hmalakna, mipui sawisel reng reng a awm hian Ministry hmasa chuan chutin khatin an ti in tih ziak bawk? Anmahni kan duh loh avanga thlak, an tih ang ti ve lo tura kan ngaih, an chin tha lo zawng zawng pawh ti ve tawh lo tura kan duh in nih avang hian thuchhuah emaw insawifiahna in neih hian an lakah ni lovin nangmahni thlangtu keimahni lakah zawk hian sawifiah tur in ni tih hre thar bawk ang che u. Anni leh nangni inpuhmawh tawnna leh insawifiah thiam siakna hi Politics hniam ber a ni. Kan duhdan min rawn miah lova hmalak hi intih tur a ni bik chiah em? In thutlukna zawng zawngah in rawlh tul lo mahsela, mipui tawrhna lo thleng turah chuan kan ngaihdan in lak a thiang lovem ni? Ministry dang laka insawifiah tur in ni lova, ching tawh lo rawh u.
Tunah pawh Motor an han lei ngawt a, Chanchinbu lamah sawiselna a nasat tak em-ah chuan kan duh leh kan lei ang a, zahawmna atana lawm kan lei ti pung pung kha SAD lam chuan chhan an ngai e, tiin inthlahual nan niawm fahran thu an han chhuah ta chu a ni a. A tir atangin SAD thuchhuah hi chapona tello khan motor lei dawnah min hrilh ve mai awm hi a ni a! SAD lam thuchhuah hi chhut chian tak tak chuan belhchian a dawl fahran hauh lo mai. Motor lei thar apiangte hnenah Road Tax kum 15 lak anih lai khan tuna Sorkarna chang mekte hian an sorkar hmasak tirh, 17 April 2009 khan Minister 11 leh PS 6 te tan hian Verna Car 17 ngawt a lo lei tawh a. Kum 5 an han hmang liam a, an motor a han chhe ta tlat mai hi awihawm loh tak a ni. Facebook lamah chuan an Car hluihlawn tur hmelhmang chiang taka tarlan anih avangin an Car hman mekte hi a hlui zawk zawk lo tih mipuite hian i hre thar teh ang u.
Mi retheiin in ropuiah zahawm taka awm tum ta sela, a tum angin a awm thei chuang lovang. Zahawmna hi lei chi a ni lova, thawhchhuah a neih theih chauh a ni zawk! Motor changkang leh manto kan neih avanga zahawm ta dawn dawna kan inhria anih chuan pute u, JCB man aia to motor a awm chuang em ni? In zavaiin hian han chuang ta ula, in zahawm na meuh emaw dawn chu le? I tawngvai a ni ti raw, ka pu? Mamawhna avanga lei kan ni in inti maw? Kan nunchhuah nana kan mamawh leh lan ropui leh zual nan leh nawmsak nana mamawh insawifiah hmasak zet loh chuan nitin kan dam khawchhuah theih nana kan mamawh chu lirthei hi a ni lo tawp a ni lawm ni, ka pu? Mamawh dang kan ngah tih in hai lova, hreawm tuar chunga Ram rawngbawl inpeih si loh chuan ngah nge in ban mai loh chu le? Ban chu a teuh lo a ni lawm ni? Ram hruaina hna hi damchhung a thawh a, eizawnna atana hun puma hman tum in nih avang a ni zawk e, in mamawh i neih avanga mipui mamawh tlem dawn a zedng ni si lo hian!
Vawi tam tak in tawngkam hman fimkhur turin kan ti tawh che u a, in sim duh hauh lo hi a mak in ti ve lo maw? Mipuite hi tunhma ang renga mawl leh in thusawi apiang awih liam duak duak tur hian engchen nge min beisei in tum chu le? Harh mawlh teh u khai! Anih leh ram rawngbawl in tum kawnga heti tak maia nuamsa a rawngbawl in la tum fo mai hi a mak pawh inti peih tawh lo a ni lawm ni? CM hian engvangin nge amah chiah kan thlantlin laia motor 5 teh ngawt a mamawh ang? Motor pakhat hmanga rawngbawl thei lova in ngai chu a va han nep thlak teh tawl ve maw le! Minister hi pakhat chauh kan thlan an ni a, motor 3 hmanga ram rawngbawl a tulna ka va hre lo em! Mi pakhat hi motor 3 a chuang kawp thei tihna em ni? In thuihruai leh kaihza vengtute hi kan thlantlin an ni hlei nem, engvanga mipuite pawisa hmanga motor hman tur lo nei ve ngawt thiang nge an nih tak mai a? An duh leh anmahni hman tur chu inlei ve ang hmiang!
Motor tlawm zawk in lei avanga pawisa tam tham tak humhimah in in ngai a maw? lei ta lo ula engzata tam nge maw kan hum zawk dawn le? Pawisa tlem a zawng in hum avanga inremchem thiam ta viauah kan ngaih che u inring a maw ni le? Sorkar hnathawk turin mi pakhat lak anih laia engvanga motor pakhat duhtawk lova, pahnih pathum pek an ngaih tak mai chu le? Hei hi a ni maw entawn tura min hnutchhiah in tum chu? Nangni anga Car thar tha tha kan lei theih loh avanga phak ang tawka kan car thar lei man tlawm chi te hian engtin nge kum 15 daih se intih ve tak chu le?
Engvanga hmalakna, mipui sawisel reng reng a awm hian Ministry hmasa chuan chutin khatin an ti in tih ziak bawk? Anmahni kan duh loh avanga thlak, an tih ang ti ve lo tura kan ngaih, an chin tha lo zawng zawng pawh ti ve tawh lo tura kan duh in nih avang hian thuchhuah emaw insawifiahna in neih hian an lakah ni lovin nangmahni thlangtu keimahni lakah zawk hian sawifiah tur in ni tih hre thar bawk ang che u. Anni leh nangni inpuhmawh tawnna leh insawifiah thiam siakna hi Politics hniam ber a ni. Kan duhdan min rawn miah lova hmalak hi intih tur a ni bik chiah em? In thutlukna zawng zawngah in rawlh tul lo mahsela, mipui tawrhna lo thleng turah chuan kan ngaihdan in lak a thiang lovem ni? Ministry dang laka insawifiah tur in ni lova, ching tawh lo rawh u.
No comments:
Post a Comment