Lalpa, i hmangaih Zoramah hian inpawngnekna thleng hi i hmu lovem ni?
Khawlohna thleng tinreng leh inrawkna thlengte hi i chhinsan em ni?
Inrawkna leh tualthahna te hi engtia rei nge i dawh dawn?
Dikna fam mek leh rinawmna boral mek te hi kan hnamzia em ni?
Lalpa ka zawt nawn leh a che,
Danin kori a tu lova, Rorelna thu a chhuak lova,
Mifel a dingchang lova, mi suaksual erawh a tlai si,
Bukna dik chuan lawm a hlawh lova,
Buk tling lo erawh ngaihsan leh chawimawi an hlawh te hi,
Nang Mi Thianghlim, sualna ngai thei lo leh,
Sualna hmu thei lo khawpa mi thianghlim a,
Sualna kaihhnawih hmu thei lo hian,
Engati nge i ngawih reng a, sualna lo lian chu i enliam reng theih?
Lalpa chhanna:
Nikin ni chu nghak rawh,
Rei deuh pawh ni se, dawhthei takin nghak rawh,
A hun a lo thlen ngei dawn avangin hun ruat chu a tlai chuang lovang,
Ka mi fel erawh Rinnain a nung ang!
Ka chhanna:
Lalpa ka ring a, ka nghak ang rinnain,
Mahse a awl mawlh love,
I kawng ruat leh remruat hi!
No comments:
Post a Comment