Hmanni TKP Fellowship-ah Rev Dr Raltawnga ruaiin Daniela Hapta chungchang sawihona kan nei a, tlem a zawng han thual ve ka duh deuh tlat mai. Daniela 9:24-27 chhung bik kha kan sawifiah dawn a ni. He chang 4 chhung lekah hian Daniela hun atanga Khawvel tawp hun inkar kalchhoh dan tur a infun vek ti hialin an lo sawi tawh thin a, chu chu tawite, kimchang tak siin sawifiah kan tum dawn a ni.
‘Bawhchhiatna tikin tûr te, sualna titâwp tûr te khawlohna thianfai tûr te, hmun thiannghlim ber chu hriak thih tûr tein i mite leh i khawpui thianghlim tân hapta sawmsarih ruat a ni e’ Daniela Hapta hian Hapta 70 a nei a, Hapta 69 chhung a thil thleng tur zawng zawng chu a thleng vek tawh a, Hapta 70 na lo thleng mai tura kha a lo thlen tak si lovah chuan tun thleng hian ti hian khawvel pawh a awm chho ta nawk nawk a ni ber a. Enge a chhan ni ta ang? Hapta awmzia chu 7 tihna mai a ni a, Hapta 70 pawh hi kum 490 chhung tihna mai a ni bawk.
Bung 9:25 (a) ‘Chuvângin, Jerusalem tung ding leh sa tha tûra thupêk a chhuah atanga hriakthiha, lal a lo awm thlengin hapta sarih a ni ang, tih hre fiah thiam ang che’ Hapta intanna hun chu B.C 445 kum a Persia lal Artazerzian Nehemia hnena Jerusalem khawpui sak that phalna a pek hun kha a ni a. Hei hi Ezra Bu mi nen khan ngaih pawlh hauh loh tur a ni, a chhan chu khawpui din that leh chungchang a lang ve tlat lo.
(b) ‘Tin, hapta sawmruk leh pahnih hnuah chuan hriakthiha chu tihbo a ni ang a,a tâwpna thleng pawhin indona a awm ang, chhiatnate chu a inruat sa a ni’ Helai a Hriakthiha tih hi Lal Isua sawina a ni a, Anderson-a chuan Lal Isua Jerusalem khawpuia Lal anga a luh ni kha 6 April A.D 32 niin a chhut a, hei pawh hi pawmdan tlanglawn ber a ni bawk. Tichuan Jerusalm din tha leh tura thupek a chhuah hun B.C 445 atanga A.D 32 inkarah chuan Hapta 69 (kum 483) a tla ta chiah a ni, a ni ang zawng chuan ni 173,880 (677360=173,880) tihna a nih chu. Hapta 62 hnuah chuan Messia thah a ni a, Jerusalem khawpui pawh Isua khenbeh atanga kum 40 A.D 70 kum khan a lo thleng ta a, tichuan Hapta 69 chhunga thil thleng tur chu an thleng famkim ta!
Hapta pawimawh ber Hapta 70 na, kum 7 chhung awh tur chu a lo thleng ta mai si lova, Kohhran Hun an tih hi a tlazep ta a, hei hi Daniela kha chuan a hmu tel ve ta lova, a hun rei zawng tur pawh tuman an hre ta lo a ni. Mahse Hapta 70-na hi chu a lo thleng ngei ngei dawn si a, helai tak hi kan hriatthiam a tul ta a ni. Bung 9:26 ‘Tin, hapta khat atân mi tamtak hnênah thuthlung nghet tak a siam ang a; tin, hapta chanveah chuan inthawinate leh thilhlante a tibâng ang; tin, titiautu chu tenawmna thla chunga chuangin a lo kal ang a; tin tâwpna, lo thleng ngei tûra ruatsa thleng chuan thinurna chu titiautu chungah chuan leih buak a ni ang, a ti a’
Hapta 70-na hian kum 7 a awh ang a, mi thianghlim lawr hnu, Isua ropui taka a lo kal leh hma si hun chhung sawina a ni. Hapta 7 na lo thlen hma hian mi thianghlim lawr a lo thleng phawt dawn a, Sakawlh rorelna hnuaiah ringtute chu kan awm ve dawnlo a ni. Sakawlh kan buaipui em em lo lan hun tur leh a rorel hun chhung tur a ni dawn a ni. He Hapta chhunga thil thleng tur chu Thupuan 6-19 chhungah hian khungkhawm vek an ni bawk. Mi thianghlim lawr hnu lawkah hian he Sakawlh hi a lo lang ve nghal dawn a. Amah hi lal hmel tak leh hlauhawm hmel tak a ni dawn a, thusawi thiam leh mi hneh thei, Politics khel thiam em em leh sipai hotu ropui tak a ni.
He kum 7 (Tribulation Great Tribulation an tih, Rapthlak Eltiang an tih bawk hun) chhung hian thil chi hrang hrang a thleng dawn a. 1. Hapta khat atan (kum 3 leh a chave) atan Israel Sorkar nen inrem siamna a nei dawn a, chu inremna avang chuan Juda mipuiten an biakin hung chhung leh inthawina an hlan theih tawhloh thlengin an ti thei dawn a ni. 2. One Currency leh One Church a awm dawn a, chu chuan One World Order kawng a rawn hawng dawn a ni. 3. Kum 3 leha chanve hnuah Inremna bawhchhiat a ni ang a, Judate chungah Sakawlh a kawlh over dawn a, Judaten a tawpah Isua chu an Messia-ah an pawm ang a, Lal Isuan Harmagedon Indona ropuiah Israel Hnamte hi a rawn chhan dawn a ni.
He hun chhung hian Martar-na hi awm tur leh awmlo tur anga sawi a awm thin a, hunin a rawn hril mai turah ngai ta ila.
‘Bawhchhiatna tikin tûr te, sualna titâwp tûr te khawlohna thianfai tûr te, hmun thiannghlim ber chu hriak thih tûr tein i mite leh i khawpui thianghlim tân hapta sawmsarih ruat a ni e’ Daniela Hapta hian Hapta 70 a nei a, Hapta 69 chhung a thil thleng tur zawng zawng chu a thleng vek tawh a, Hapta 70 na lo thleng mai tura kha a lo thlen tak si lovah chuan tun thleng hian ti hian khawvel pawh a awm chho ta nawk nawk a ni ber a. Enge a chhan ni ta ang? Hapta awmzia chu 7 tihna mai a ni a, Hapta 70 pawh hi kum 490 chhung tihna mai a ni bawk.
Bung 9:25 (a) ‘Chuvângin, Jerusalem tung ding leh sa tha tûra thupêk a chhuah atanga hriakthiha, lal a lo awm thlengin hapta sarih a ni ang, tih hre fiah thiam ang che’ Hapta intanna hun chu B.C 445 kum a Persia lal Artazerzian Nehemia hnena Jerusalem khawpui sak that phalna a pek hun kha a ni a. Hei hi Ezra Bu mi nen khan ngaih pawlh hauh loh tur a ni, a chhan chu khawpui din that leh chungchang a lang ve tlat lo.
(b) ‘Tin, hapta sawmruk leh pahnih hnuah chuan hriakthiha chu tihbo a ni ang a,a tâwpna thleng pawhin indona a awm ang, chhiatnate chu a inruat sa a ni’ Helai a Hriakthiha tih hi Lal Isua sawina a ni a, Anderson-a chuan Lal Isua Jerusalem khawpuia Lal anga a luh ni kha 6 April A.D 32 niin a chhut a, hei pawh hi pawmdan tlanglawn ber a ni bawk. Tichuan Jerusalm din tha leh tura thupek a chhuah hun B.C 445 atanga A.D 32 inkarah chuan Hapta 69 (kum 483) a tla ta chiah a ni, a ni ang zawng chuan ni 173,880 (677360=173,880) tihna a nih chu. Hapta 62 hnuah chuan Messia thah a ni a, Jerusalem khawpui pawh Isua khenbeh atanga kum 40 A.D 70 kum khan a lo thleng ta a, tichuan Hapta 69 chhunga thil thleng tur chu an thleng famkim ta!
Hapta pawimawh ber Hapta 70 na, kum 7 chhung awh tur chu a lo thleng ta mai si lova, Kohhran Hun an tih hi a tlazep ta a, hei hi Daniela kha chuan a hmu tel ve ta lova, a hun rei zawng tur pawh tuman an hre ta lo a ni. Mahse Hapta 70-na hi chu a lo thleng ngei ngei dawn si a, helai tak hi kan hriatthiam a tul ta a ni. Bung 9:26 ‘Tin, hapta khat atân mi tamtak hnênah thuthlung nghet tak a siam ang a; tin, hapta chanveah chuan inthawinate leh thilhlante a tibâng ang; tin, titiautu chu tenawmna thla chunga chuangin a lo kal ang a; tin tâwpna, lo thleng ngei tûra ruatsa thleng chuan thinurna chu titiautu chungah chuan leih buak a ni ang, a ti a’
Hapta 70-na hian kum 7 a awh ang a, mi thianghlim lawr hnu, Isua ropui taka a lo kal leh hma si hun chhung sawina a ni. Hapta 7 na lo thlen hma hian mi thianghlim lawr a lo thleng phawt dawn a, Sakawlh rorelna hnuaiah ringtute chu kan awm ve dawnlo a ni. Sakawlh kan buaipui em em lo lan hun tur leh a rorel hun chhung tur a ni dawn a ni. He Hapta chhunga thil thleng tur chu Thupuan 6-19 chhungah hian khungkhawm vek an ni bawk. Mi thianghlim lawr hnu lawkah hian he Sakawlh hi a lo lang ve nghal dawn a. Amah hi lal hmel tak leh hlauhawm hmel tak a ni dawn a, thusawi thiam leh mi hneh thei, Politics khel thiam em em leh sipai hotu ropui tak a ni.
He kum 7 (Tribulation Great Tribulation an tih, Rapthlak Eltiang an tih bawk hun) chhung hian thil chi hrang hrang a thleng dawn a. 1. Hapta khat atan (kum 3 leh a chave) atan Israel Sorkar nen inrem siamna a nei dawn a, chu inremna avang chuan Juda mipuiten an biakin hung chhung leh inthawina an hlan theih tawhloh thlengin an ti thei dawn a ni. 2. One Currency leh One Church a awm dawn a, chu chuan One World Order kawng a rawn hawng dawn a ni. 3. Kum 3 leha chanve hnuah Inremna bawhchhiat a ni ang a, Judate chungah Sakawlh a kawlh over dawn a, Judaten a tawpah Isua chu an Messia-ah an pawm ang a, Lal Isuan Harmagedon Indona ropuiah Israel Hnamte hi a rawn chhan dawn a ni.
He hun chhung hian Martar-na hi awm tur leh awmlo tur anga sawi a awm thin a, hunin a rawn hril mai turah ngai ta ila.
No comments:
Post a Comment