Politics hi Dan ang thlapa hrilhfiahna a awm a, tawnhriat atanga hrilhfiahna a awm leh a, a taka nunpuina atanga hrilhfiahna a la awm zel bawk! Heng vang te pawh hian a ni ta ve ang, politics kan khelh dan leh kan khelh chhan te a in an loh theih em em thin. Democracy ramah chuan Sawrkarna hmanga mipui tana rawngbawlna leh mipuite tana hmasawnna hna thawhsak hi politics kan hmelhriat dan a ni tlangpui a, hei hi Dan ang chuan a dik thlap mai. Mahse hei aia ril leh thuk zawk hian politics hi a hrilhfiah theih tih erawh kan hriat reng a tul hle mai.
Mizoramah hian engtin chiah nge politics hi kan lo hrilhfiah ve tak? Politics chu ei leh bar hmuhna, hausak thur thurna, chhungkhat leh laina hnaite tana malsawmna, mahni tana chakai khawrhna, mimal vision a taka kalpuina, ram hmasawnna aia mimal hmasawnna thanchakna hmun, lal tak leh thunei taka awmna leh Pathian rawngbawlna ni hauhlova pathian rawngbawlna ti ila, he rilru min tawmpuitu hi an tam dawn lutuk tlat! Mahse politics awmze dik tak man an awm anih pawn an rilru leh hriatthiam lantirna engmah hmuh tur a awm chuang lo! Mahse, politics awmze dik tak an man lo a ni lova, an hrethiamlo pawh a ni chuang si lo!
POLITICS LAIMU CHU RAM HUMHALH HI A NI!
Mizoram chhim tawp leh hmar tawp lamah te chuan Khawper a ding sup sup a, a mi chengte erawh Mizote ni lovin Chakma, Tuikuk leh Burma mi kan tih ang hlir an ni. Heng mite hi Manipur, Tripura, Bangladesh, Burma leh Karimganj (Silchar) atanga rawn kal vek an ni. Chung ho khawsakna hmunah chuan VC an ding ve tih chu sawiloh, NGO te pawh zu han nei ve leh zel zul a maw le! Dan anga awm an awm laiin Danlo anga awm hi a tam zawk chu an ni ngei ngei ang tih ka chiang ngam. Chuti anih si chuan Zawhna lo awm ta chu, “Engtin nge Danlo anga Mizoramah mi an lo awm ngawt theihna chhan?” tih hi a ni.
Kan politics khelhdan a dik tawh lova, chuvang chuan heng thil hi rawn thleng a ni tih leh ngawtah hian kan tang rei ta hle mai hi a lungchhiatthlak tak meuh meuh a ni. Aizawl leh District Capital-a awm Mizote hian hriatloh kan neih pawi tak chu Ramri bula thil thleng thin hi a ni. Kan hriatlohna avanga thiamchang ngawt tur kan ni lo, kan rilru lam chianloh vang zawk leh kan ngaihtuahna hruaipen a a awm vang a ni chung pawh hian thiamlohna chin kan nei dawn tho tho. Aizawl khawpui atanga Thingtlang khua leh ramri hrula thil thleng thin hi han ngaihven em em turin kan nitin khawsak hian a remti meuh tawh lova, mahse chu chuan thiam min chantir chuang lovang!
Saikhumphai khaw hal chungchanga Sawrkar leh Political Party te an ngawi reng hi a mak em em hranlo! Tiang ang Issue-ah hian vawitam tak ngawih an lo inchuh siak tawh thin tlat a, ngaiah an nei a, chu chu mipuite pawn kan enliam ta mai mai anih tak hi, a va pawi tehlul em! Kan politics laimu hria ni se (duh ni ta bawk se) chuan an ngawi mai mai hian ka ringlo! Kan politician te hian ngawih duhna chhan an nei a, he an ngawihna chhan hi a nep lutuk a, sawichhuah pawh a zahthlak lek lek hial mai! He an ngawih tlatna chhan te hian a lawm mipuite rilru hruai diklo mek chu ni. Ram humhalh aia Roreltu a tlin leh rik ngawt duhna rilru atanga lo chhuak hi Ram Hmelma nihna lian ber a ni. Chutiang ang mi chu tunah hian Party Office tinah an kuh tun a, Assembly House-ah pawh an thu tlim hmur anih mek hi!
An duh phawt chuan Mizoram chhungah hian lo awm se, anmahni kan mamawhna aia an Vote kan mamawhna a nasat tlat avangin an chungah engpawh lo thleng sela enliam a ngawihsan theih chhung ngawihsan mai hi politics khelh dan dik tak a ni titute hi khaihlum tlak vek an ni. (An tawngka in sawilo mahsela an chetdan leh hmalak dan hian a lantir tlat avangin politics an hmuh dan hi a dik em em ang tih ka ring tlat a ni) Chu hremna chu a na lua kan ti ang maw? Ram leh hnam boralna a nih si chuan rapthlakah kan ngai lui thei tlat ang maw? Mi pangngai i nih chuan he ka ngaihdan hi min tawmpui ngei ka ring a, kei ai hian i duhrum zawk hial mai thei a ni! Vote hmuhna anih dawn phawt chuan Ram phatsan kan hreh ta lo tih hi a lang chiang ta hle a ni lawm ni?
Politician te u, in ngaihtuah chiang rawh u. He khawvel zau takah hian ram pakhat chauh kan nei a, chu pawh zimte a la ni zui. Chu ram zimte pawh chu in la humhalh tha duhlo mai ni lovin hralh hial pawh pawiti tawhlo ang maia in awm te hi zahna chang hre mawlh ang che u. Vaichhia, Chakma, Tuikuk leh ramdang mite thlantlin nih ai chuan kemahni Mizopuite ngeiin duh taka min vote tlin tluka thlakhlehawm hi ram hruaitu inti tan chuan a awmlo tih in hre lo em ni? He Ram leilungah hian Pasalthate leh Mizo thisen a luang tawh a, Ram Thianghlim, Thisena lei a ni tih theihnghilh ngai suh ang che u. Nangni hovin a induh a maka insiam bawlhhlawh mai mai tura Pathianin chenna atana min pek a ni bawk hek lo!
Ram hmangaih a, humhalh tura min zirtirtu tur zawkte zirlai pek in ngai fo mai hi chu a buaithlak ngawt mai. Ram hruaitu huaisen i nih chuan hma han la teh, theihnghilh i ni ngai tawh lovang. Term 4 chhunga a CM thei tih ai chuan Term chanvr chhung lekin Ram tan a takin a nun a hlan a, a theihna zawng zawng a hmangral ti a thangthar tena min hriat hian an nunah thu nasa takin a sawi zawk dawn. Pland Fund chuti zatin Central-ah a dil pung tih ai chuan Pland Fund punglo thei lovin a siam ti a thangtharten min hriat phawt chuan an nunah entawn tur chhinchhiahtlak i tuh zawk ngei ngei ang. Vote zawngin Tuikuk a humhim tih ai chuan tlak phah rawk khawpin ramdang mi Mizoram atangin a umchhuak ta zawk ti a thangtharin an hriat phawt che chuan Roreltu Tha an ti tho tho ang che!
Chutiang taka Ram humhalh tura ke in pen theilova, ke inpen duhlo anih chuan, ngai reng rawh u, ke pen thei kan awm a, kan la rawn chhuak ngei ngei ang tih thangtharte hian kan tiam a che u! Chutih hunah chuan Ramdangmite kan rawn bitum kher lovang, in hming hnaisailo ti hnaisailo zual turin a ni kan rawn pen chhuah zawk dawn ni. Hun tha in neihlai hian theihtawp chhuah turin kan ngen che u a, Ram Humhalh hi Politics Laimu a ni tih hre reng ang che u.
Mizoramah hian engtin chiah nge politics hi kan lo hrilhfiah ve tak? Politics chu ei leh bar hmuhna, hausak thur thurna, chhungkhat leh laina hnaite tana malsawmna, mahni tana chakai khawrhna, mimal vision a taka kalpuina, ram hmasawnna aia mimal hmasawnna thanchakna hmun, lal tak leh thunei taka awmna leh Pathian rawngbawlna ni hauhlova pathian rawngbawlna ti ila, he rilru min tawmpuitu hi an tam dawn lutuk tlat! Mahse politics awmze dik tak man an awm anih pawn an rilru leh hriatthiam lantirna engmah hmuh tur a awm chuang lo! Mahse, politics awmze dik tak an man lo a ni lova, an hrethiamlo pawh a ni chuang si lo!
POLITICS LAIMU CHU RAM HUMHALH HI A NI!
Mizoram chhim tawp leh hmar tawp lamah te chuan Khawper a ding sup sup a, a mi chengte erawh Mizote ni lovin Chakma, Tuikuk leh Burma mi kan tih ang hlir an ni. Heng mite hi Manipur, Tripura, Bangladesh, Burma leh Karimganj (Silchar) atanga rawn kal vek an ni. Chung ho khawsakna hmunah chuan VC an ding ve tih chu sawiloh, NGO te pawh zu han nei ve leh zel zul a maw le! Dan anga awm an awm laiin Danlo anga awm hi a tam zawk chu an ni ngei ngei ang tih ka chiang ngam. Chuti anih si chuan Zawhna lo awm ta chu, “Engtin nge Danlo anga Mizoramah mi an lo awm ngawt theihna chhan?” tih hi a ni.
Kan politics khelhdan a dik tawh lova, chuvang chuan heng thil hi rawn thleng a ni tih leh ngawtah hian kan tang rei ta hle mai hi a lungchhiatthlak tak meuh meuh a ni. Aizawl leh District Capital-a awm Mizote hian hriatloh kan neih pawi tak chu Ramri bula thil thleng thin hi a ni. Kan hriatlohna avanga thiamchang ngawt tur kan ni lo, kan rilru lam chianloh vang zawk leh kan ngaihtuahna hruaipen a a awm vang a ni chung pawh hian thiamlohna chin kan nei dawn tho tho. Aizawl khawpui atanga Thingtlang khua leh ramri hrula thil thleng thin hi han ngaihven em em turin kan nitin khawsak hian a remti meuh tawh lova, mahse chu chuan thiam min chantir chuang lovang!
Saikhumphai khaw hal chungchanga Sawrkar leh Political Party te an ngawi reng hi a mak em em hranlo! Tiang ang Issue-ah hian vawitam tak ngawih an lo inchuh siak tawh thin tlat a, ngaiah an nei a, chu chu mipuite pawn kan enliam ta mai mai anih tak hi, a va pawi tehlul em! Kan politics laimu hria ni se (duh ni ta bawk se) chuan an ngawi mai mai hian ka ringlo! Kan politician te hian ngawih duhna chhan an nei a, he an ngawihna chhan hi a nep lutuk a, sawichhuah pawh a zahthlak lek lek hial mai! He an ngawih tlatna chhan te hian a lawm mipuite rilru hruai diklo mek chu ni. Ram humhalh aia Roreltu a tlin leh rik ngawt duhna rilru atanga lo chhuak hi Ram Hmelma nihna lian ber a ni. Chutiang ang mi chu tunah hian Party Office tinah an kuh tun a, Assembly House-ah pawh an thu tlim hmur anih mek hi!
An duh phawt chuan Mizoram chhungah hian lo awm se, anmahni kan mamawhna aia an Vote kan mamawhna a nasat tlat avangin an chungah engpawh lo thleng sela enliam a ngawihsan theih chhung ngawihsan mai hi politics khelh dan dik tak a ni titute hi khaihlum tlak vek an ni. (An tawngka in sawilo mahsela an chetdan leh hmalak dan hian a lantir tlat avangin politics an hmuh dan hi a dik em em ang tih ka ring tlat a ni) Chu hremna chu a na lua kan ti ang maw? Ram leh hnam boralna a nih si chuan rapthlakah kan ngai lui thei tlat ang maw? Mi pangngai i nih chuan he ka ngaihdan hi min tawmpui ngei ka ring a, kei ai hian i duhrum zawk hial mai thei a ni! Vote hmuhna anih dawn phawt chuan Ram phatsan kan hreh ta lo tih hi a lang chiang ta hle a ni lawm ni?
Politician te u, in ngaihtuah chiang rawh u. He khawvel zau takah hian ram pakhat chauh kan nei a, chu pawh zimte a la ni zui. Chu ram zimte pawh chu in la humhalh tha duhlo mai ni lovin hralh hial pawh pawiti tawhlo ang maia in awm te hi zahna chang hre mawlh ang che u. Vaichhia, Chakma, Tuikuk leh ramdang mite thlantlin nih ai chuan kemahni Mizopuite ngeiin duh taka min vote tlin tluka thlakhlehawm hi ram hruaitu inti tan chuan a awmlo tih in hre lo em ni? He Ram leilungah hian Pasalthate leh Mizo thisen a luang tawh a, Ram Thianghlim, Thisena lei a ni tih theihnghilh ngai suh ang che u. Nangni hovin a induh a maka insiam bawlhhlawh mai mai tura Pathianin chenna atana min pek a ni bawk hek lo!
Ram hmangaih a, humhalh tura min zirtirtu tur zawkte zirlai pek in ngai fo mai hi chu a buaithlak ngawt mai. Ram hruaitu huaisen i nih chuan hma han la teh, theihnghilh i ni ngai tawh lovang. Term 4 chhunga a CM thei tih ai chuan Term chanvr chhung lekin Ram tan a takin a nun a hlan a, a theihna zawng zawng a hmangral ti a thangthar tena min hriat hian an nunah thu nasa takin a sawi zawk dawn. Pland Fund chuti zatin Central-ah a dil pung tih ai chuan Pland Fund punglo thei lovin a siam ti a thangtharten min hriat phawt chuan an nunah entawn tur chhinchhiahtlak i tuh zawk ngei ngei ang. Vote zawngin Tuikuk a humhim tih ai chuan tlak phah rawk khawpin ramdang mi Mizoram atangin a umchhuak ta zawk ti a thangtharin an hriat phawt che chuan Roreltu Tha an ti tho tho ang che!
Chutiang taka Ram humhalh tura ke in pen theilova, ke inpen duhlo anih chuan, ngai reng rawh u, ke pen thei kan awm a, kan la rawn chhuak ngei ngei ang tih thangtharte hian kan tiam a che u! Chutih hunah chuan Ramdangmite kan rawn bitum kher lovang, in hming hnaisailo ti hnaisailo zual turin a ni kan rawn pen chhuah zawk dawn ni. Hun tha in neihlai hian theihtawp chhuah turin kan ngen che u a, Ram Humhalh hi Politics Laimu a ni tih hre reng ang che u.
No comments:
Post a Comment