Hun Nunrâwnna

Dâr, lung, lei leh tuifinriatte meuh paw'n,

Thihna hmêl lungchhiatthlak dodal tur a,

An chak zawh tawk si loh chuan engtin nge,

Duhawmna, pangpâr tluk pawha tlo lo chuan,

Thihna anchhia chu a do zawh ang ni?

I hmelţhatna, favang thlifim tluka,

Derthawng chuan hliam rual loh lung leh thir paw'n,

Hun vanga ţawihralna kawng an zawh chuan,

I tân hmelţhat reng ngaihna a awm lo,

Hun vekin lei pangpâr mawi ber mi pêk,

Mi laksak loh nân eng nge ka tih tak ang?

Tu nge i duhawmna chûl tur khap ang?

Thilmak a thlen a, ka lehkhatuiah,

Ka hmangaih a vûl a nih ngawt loh chuan?