Genesis i chhiar hian nang, Israel ni lo zawng, khawvel hnam tin tâna thupek danglam thei lo hi chhiar thiam ţhin ang che.
'Chi tam taka inthlah pungin leilung hi luah khat ula....' tih thupek hi mi zawng zawng tân a ni.
Mahse, Zoram kohhran hruaitu rual mai bakah a zira zir chhuak inti rualte chuan Pulpit tlang aţangin Zoram mipuite he Pathian thupek dodal tur hian min han zirtir ta mai a nih kha!
Pathian aiin India hlauin nau nei tlem turin min zirtir a, sawrkar thlawp turin mipui min han zirtir ta mai a. A nghawng natzia hi kan hre lo va ni!
Pathian thupek kan zawm lai, damdawi in mumal pawh awm loh laiin Zonu tawh phawt chuan fa 10, 15 a hring thei a, amah erawhin a tawrh phah ngai lo.
Pathian thupek kan tarlan nemnghettu Thufingte 17:6 Tu leh fate hi upate lallukhum an ni a, Fanaute ropuina chu an pate hi an ni, tih an zawm miau vang a ni.
Aw, tunah zet chuan Pathian thinurna chu Zo lanu chungah a rawn thleng ta tak tak mai a! Fa pawh hring thei lo, a zaia zai chhuah ngai deuh hlir an nih tak hi!
Heng mite tân duh pawh ni se fa pathum bak neih ngam a ni lo, an thi mai ang! Heng Pathian pawisawitu Zoram Rawngbawltu rualte thiltih vanga kohhran tam taka Beginner zir mumal tur awm ta lo pawizia hi!
Zirtirtu an buai, ramin a tawrhnate hi Berampute hian an hmu phak bawk hek lo. Nuai 10 vel bak pel thei lote chimral turin Chakma an lo hrâng ta bawk a!
BJP lah chuan kawng zau taka chimralna thlentir tumin kan ILP a melh ta hial a nih hi! Aw, Lalpa zawnchhuah rama Berampute nikhua loh luat vanga kan tawrhna leh tawrhna lo thei thei tam takzia hi!
He Zoram kohhran kalsual nasa lutuk, a khaktu apiang mahni in endik aia Pathian mi inti lem lema chhuah zeltu hi Pathian hian a va hmangaih si ţhin êm! Kei pawh kohhran mi ka ni si a.
Pathian thu hriat loh luat avanga mipuiin kan tawrh mekna rah ka thlir changte hian mihring thinlung hi mangangin a chiau vawng vawng ţhin a. A ngaihna reng a hre si lo.
Sawi ngam loh tawrhna lo thleng tamzia hi engah nge ka hmuh leh ţhin? In thu sawi zozaite hi ţha eltiang ţhinin hnûn neihtirtu Thlarau Thianghlim a tel miau loh avanga mipui min mawhpuh hlauhna rahte hi!
Zoram hmun tinah Pathian thu sawi lohna khua, nitina sawi lohna khua a awm loh laiin lo huan ram him pakhatmah awm lohna ramah kan chhuah tak si hi!
Berampute thil tihsual ka hmuh tam poh leh ka nâ ting mai a! Zoram mipuite aia Pathian thu hriatna tlachham Kristian dang khawi hmunah mah an awm lo ta a nih hi. Mahse Lalpa, hriatna kan tlakchhama mawhphurtu dik takte erawh hre reng ang che aw.
No comments:
Post a Comment