Khawharna tawp hripui kâra lunglên,
Zan thim belhchhahtu thim thuah thum kârah;
Ngaihtuahna fim reng a nut burh kara'n,
Mumal reng nei lo ngaihtuahna fimah!
Zan thim belhchhahtu thim thuah thum kârah;
Ngaihtuahna fim reng a nut burh kara'n,
Mumal reng nei lo ngaihtuahna fimah!
Sikserh natna serh leh sang pai si lo,
Tum bulfuk nei lo thlipui hrâng thleh iang;
Nun thlakhlelhna thlawh botir chuang si lo,
Chul tawh nun hlui suangtuahna a nâ chuang!
Hun liamta a suangtuah vawng vawngna chuan,
Amah ngaihna nei tawh lo thlakhlelhna,
Hremhmun mei vâm iang a nung rengah chuan,
Thinlung inhmu tawn lo luaithli nûlna!
Iau! chhehei, nunrâwnna, ânchhia vangin,
Natna vawrtawp ṭahna mittui ngei chu;
Zan anchhia tipunluna mi velin,
Ṭahna mittui puar nân mi pêk tak chu!
No comments:
Post a Comment