𝗧𝘂𝗻𝗴𝗲 𝗧𝗵𝘂𝗽𝘂𝗮𝗻 𝗯𝘂𝗮 𝗕𝗮𝗯𝘆𝗹𝗼𝗻 𝗡𝗮𝘄𝗵𝗰𝗵𝗶𝘇𝘂𝗮𝗿 𝗵𝗶, 𝗕𝗮𝗯𝘆𝗹𝗼𝗻 𝗞𝗵𝗮𝘄 𝗥𝗼𝗽𝘂𝗶 𝗰𝗵𝘂 𝘁𝘂𝗻𝗴𝗲, 𝗧𝘂𝗻𝗴𝗲 𝗦𝗮𝗸𝗮𝘄𝗹𝗵 𝗰𝗵𝘂 ?

Tunge sakawlh, 666 tur chu tih hian hmân aṭanga tun thlengin khawvel a chawk buai a, rindan hrang hrang, pawm dan mak tak tak a tam hle. Tuna ka han sawi tur hi mi la sawi ngai zen zen loh a ni dawn a, a ziaktu hian ka pawm bur e, phei chu ka ti lo. Mahse, a sawifiahna leh sawizauna hi ngaihnawm ka tihzawng tak anih avangin ngaihdan kan lo neih theih nân leh ngaihtuahna kan lo sen ve theih nân ka han thai lang dawn a ni. 

Babylon sakhua : Babylon mite sakhua hi vana thil awm chibai buknaah a thenkual nasa hle a. Ni, thla de leh arsi hi pathian biakin an be ṭhin tih hre hmasa ta ila. He thla de leh arsi lem pawimawhzia chu sakawlh leh baylon thuruk aiawh lem (symbol) anih kan sawi chho zel dawn a ni. Baal sakhua kha Nimrod-a hunlaia an sakhua niin Babel in sang sak lai khan Nimrod-a hian Ni pathian Ba’al a be ṭhin a. Nupui atân ama nu Semiramis neiin pathian angah an insiam ta a ni. http://www.sabbathcovenant.com/book2MysteryReligionOfBabylon/Chapter1.htm ah hian chiang takin chu chu chhiar tur a awm ang.

Babylon sakhaw betu an pung zel : Babel in sang sak laia Pathianin ṭawng hrang hranga a ṭawng tir hnuah leh Nimrod-ate nupa hi an thih hnuah he Babylon sakhua hi an ṭhenawm lalramah darh zelin a pa leh a nu pathian an be chhunzawm ta zel a. Egypt chuan Osiris leh Isis an bia a, Syria chuan Assur leh Ishtar, Babylon chuan Bel leh Belit, Persia chuan Mithra leh Anahita, Greek chuan Helios leh Artemis, Rome chuan Apollo leh Diana tiin Babel hunlai sakhuana chuan huang a zauh ta zel a ni. Kan bible-ah chuan Tirhkohte 7:43 Moloka puan in leh pathian Rephana arsi pawh chu chibai buk turin a lem in siamte kha, tiin he pathian lem symbol hi ram a hran ang zelin dang mah se, a danglam ve ngai lo tih kan hre dawn nia.

“’/e leh arsi hi hmuh theih a ni bawk. Heng pathiante hi chibai an buk reng rengin bawkkhup emaw ṭhingṭhi chung zelin Muslim ten Mecca-a Black Stone chibai an buk dan ang hian an awm ṭhin. He Aniconic Black Stone hi van aṭanga meteorite lo tla niin Diana Temple, Cyrus-ah zah takin chibai an lo buk tawh ṭhin a ni. Tirk 19:35 ah chuan, Diani ropui tak biak in leh van atanga milem tla kha, Ephesi khuaa mite hi a vengtu in ni tih tunge hre lo awm ni? tiin milem a tih hi thla de leh arsi an ni tih hre reng ang che. 

Diana leh Muslim : Tirh 19:34 ah chuan “Ephesi khuaa mi Diani hi ropui tak a ni!” ti hlirin an au an au va tih kan hmu a. Ropui tia an au ang chiah hian Muslim-te hian he meteorite lung dum lam hawi hian, “Allah hu akbar” tiin an au an au ṭhin ta a ni. A awmzia pawh allah hi a ropui tihna mai a ni. He lung dum hi Mecca khawpuiah dahin Muslim-te hian hmeichhia ang maiin an fawpin chibai an buk ṭhin. Thupuan 17:3 ah Vantirhkohvin Johana chu thlalerah kalpuiin he nawhchizuar hi a va hmuhpui ta anih kha. Mecca hi thlalera awm anih i hrethiam ang u, Kaabah hmunah chuan van aṭanga lung lo tla chu chibai an buk ṭhin a ni si a.

Mohammed leh Muslim sakhua : Islam a rawn luh hma chuan Mecca hmunah hian pathian lem chi hrang hrang chibai an buk ṭhin a. Chung zingah chuan thla pathian Allah an be ṭhin a, he hmunah hian he lung dum pawh hi dah a ni. Mohhamed-a pawh kha he allah be chunga seilian niin AD 632 a Mecca a hneh a, allah temple tichhiain he lung erawh i chu a dah ṭha ta a. Arab ho pathian biak dan (rituals) tam thei ang ber chu a sakhaw thar AD 630 aṭanga a puandarhah chuan a la lut ta a ni. Kaabah hmun a, chhak lam hmunah he lung dum hi a hranpain a dahna a siam ta a, Thupuan 17:15 ah chuan, “Nawhchizuar ṭhutna tui i hmuhte kha, mi te, mipui te, hnam te, ṭawng te a ni a, tih kan hmu ta a ni.

Hajj : Mecca hmunah hian khawvel hmun hrang hrang aṭangin ṭawng inang lo tak tak hmang mite chu Hajj hmang turin an lo kal ṭhin a. Kaabah an kal hual lai hi video i en chuan tui ang maiin an fawn dual dual mai nia! Babylon sakhua kha Ni pathian bia kan tih tawh kha. Islam pawh hian ni khat chhûnga Ni virkual dan mil zelin Mecca lam hawi hian an pathian hi an be ṭhin. Ni khatah vawi nga zel, eng nge Ni rawng, a hlimthla rei zawng, vanah êng a la awm em etc tih mil zelin Mecca lam hawi hian chibai an buk ṭhin. https://en.wikipedia.org/wiki/Salah_times ah hian chungte chu en theih a ni.

Hrilklawkna : Mohammed-a khan engtikah emaw chuan he Kaabah lung dum hi a la rawn ṭawngchhuah tur thu a lo sawi lawk diam tawh a! He lung hi vawisarih an hel hnuah an khawih a, a sualna ngaihdamin a awm ṭhin niin zirtir an ni. He lung an khawiha an fawh kher nachhan pawh hi finna an dawn an beisei vang a ni. Babylon puithiamte khan seal an luah an dah ṭhin a. An pathiante laka inven nân an tih niin a lema number zawng zawng belhkhawm hi 666 a ni ta a ni. A lema inhmuh ang khian he an Sun Seal lem hi cube rin parukin a hual anih hi. Khimi mil chiah chiah hian Kaabah lung dum an dahna puanin pawh hi duan a ni! 

666 : Arsi ten Ni an hel ang chiah hian he Kaabah lung dum hel hian Muslim te chu an tlan kual ta dual dual mai a ni. Kaaba kawngkharah hian Ni pathian symbol dah a ni a, thuziak awm chu mak tak maiin lehlin a han nih chuan 666 a ni chiah ta mai a. Bible chuan sakawlh chu tuifinriat aṭanga lo chhuak tur anih thu a lo sawi tawh anih kha. He Kaaba lung dahna hi Dome of Rock, Jerusalem aṭanga tui mel 666 na chiahah a awm ta a ni. Mohammed-a khan Kaaba lung hi Yameen Allah tiin a vuah a, Allah kut dinglam tihna a ni. Lal Isua, Temple a lung pawimawh ber tih nen a inkalh mawi hle a ni. Van aṭanga lung lo tla chu nasa taka chawimawi leh chawisanin a awm ta a ni. 

Mother of Harlot : Nawhchizuarte Nu tihlai tak leh Mecca inzawmna chu, Mecca hi Mother of Settlement tihna ve tho niin khawvel hmun hrang hranga Muslim te chhûngpui nu tihna a ni. Thup 17:6 Tin, chu hmeichhia chu mi thianghlimte thisen leh Isua martarho thisena rui ka hmu a, a tih angin tunlaia Muslim Terrorist kuta Jihad hmanga Kristiante kan thih hnem tawhzia kan hre awm e. 

Bible hrilhlawkna : Ezek 25:13 Chuvangin LALPA PATHIAN chuan heti hian a ti e: Edom chungah ka kut ka lek ang a, a lak ata mi leh sate ka rawt bo vek ang; Teman aṭangin ka ti ṭiau ang a, Dedan thlengin khandaihin an thi ang, tih a lo sawi tawh a. Saudi Arabia rama Edom hian Teman aṭanga Dedan thleng hi a huam ṭhin tih hmanlai lehkhaziak kan en chuan kan hre thei ang. Isaia 21:1 Tuipui thlalêr phur rit chu. Chhim  rama ṭhawngaleivir a kal tlang angin thlalêr aṭangin, ram hlauhawm tak aṭang chuan, a lo kal e, tiin a lo sawilawk tawh bawk anih kha, tiin ani pawh hian a lo sawilawk tawh a ni.

Thup 17:2 leia lalte chuan ani chu an ngai thin a, leia awmte pawh chu a mi ngaih chinna uain chuan hrai ruihin an awm thin,” a ti a. Heta uain a tih hi tuna khawvela oil hmun thuma ṭhena hmun khat neitu Saudi Arabia anih loh ring suh. Isaia 34:8 LALPA phuba lak ni a ni tah si a, Zion avânga inbeihna thua thungrulhna kum chu. A lui tuite chu lawng hnaia chartirin a awm ang a, a vaivut chu kata chantirin a awm bawk ang a, a ram chu lawng hnai kang hluah hluahah a chang ang tiha a sawi hian a chiang tlat a ni. English version-a tar a tih hi crude oil a ni, Irag oil kang pawh kan hmuh tawh kha. 

Sakawlh chu le : Thup 2:13 I awmna, Setana thutphah awmna kha ka hria: tiin Pergamoss (Turkey) a sawi ta. Daniela bu aṭangin i chhui ṭan ang aw. Alexander The Great (Kelpa) chuan Persia Lal Daria (Beram ki hnih nei) chu rawn hnehin Alexander-a pawh a thih hnuah a ram chu a General 4 ten an insem darh ta a. Heng ram darh aṭanga ram pakhat aṭang hian sakawlh chu a lo chhuak dawn ta a ni. Ki pali aṭanga rawn chhuak tur anih miau avangin Rome emaw hmun dang emaw aṭanga sakawl hi lo chhuak tur a ni lo tih Daniela hian a sawichiang e.

Alexander-a ram kehdarh hi Middle East lamah a darh lova, Daniala 11 kan hmuh chuan Hmar lam ramin a huamte chu Irag, Iran, Turkey leh Syria an ni. Chung zingah chuan Turkey bik, Ottoman Empire dinthar leh tum mektu hi kan enbik a dawn ta a ni. Turkey hi Eastern Roman Empire lo chhuahna hmun a ni bawk. Rome khan Constantinople lamah a lalram kha a sawn tih kan hriat avangin. Thupuanah chuan Lu sarih, lalram pasarih kan hmu a, chungte chu Egypt, Persia, Greece, Rome, Assyria, Babylon leh Ottoman hi an ni. Heng ramte hi an tlukchhiat hnuah Rome chuan Turkey-ah a hmun sawnin chu hmunah ngei chuan Ottoman Empire khan a lo hneh ta a ni.

He Ottoman Empire ngei hian a lawm Jerusalema Dome of Rock khu lo zuk sa a, Jerusalem tungding lehtu chu lo ni. Thupuana ram 10, a sawite chu hengte hi an ni ta a ni. Libya, Egypt, Saudi, Iran, Iraq, Syria, Kuwait, UAE, Jordan leh Yemen, Arab lalram 10 te hian Turkey, an hruaitu Caliph an tih hnenah an thuneihna hi an hlanchhawng dawn a ni. 

Khalifa : Caliph kan tih hi Khalifa tih aṭanga lakchhawn niin a awmzia chu Aiawh tihna ang a ni. Muslim te chuan Khalif hi Mohammed-a aiawhtu tiin an sawi ṭhin. Koran erawh chuan bible-a Adama ang khan an chhuah thung a, mahse leia pathian tiin an sawibelh thung. Khalif chu Politics leh Sakhua hotu ni kawp a ni bawk. Tichuan Caliph chuan Zawlnei zawng zawng liamtate ai a awh ta a ni.

Eden-Turkey : Eze 28:12 "Mihring fapa, tûra lal sûnna hla phuah la, a hnênah, Heti hian LALPA PATHIAN-in ṭha famkim tak, finnaa khat, mawina tinreng! Pathian huan Edenah i cheng; a lo tih tawh angin Eden huan hi Turkey rama  awm nia ngaih niin he Eden aṭang hian Adama khan khawvel kha a lo enkawl tawh ṭhin anih kha. Chuvang chuan sakawlh hi Turkey aṭanga lo chhuak tur ni se, a inhmeh ngawih ngawih leh zual ta a ni. 

Turkey Flag leh chhinchhiahna : An flag rawng sen tak mai hian Thupuana Keite rawng a ang hle dawn a. Chumi piahlamah chuan Babylon sakhaw chhinchhiahna, thla de leh arsi kha an hmang ta chiah reng a ni. Thupuanah chuan Keite chuan Savawm ke leh Sakeibaknei kâ ang a nei a. Ngei ngeiin Daniela sawi angin Iran (Medo-Persia, savawm) leh Irag (Babylon-sakeibaknei) leh Greece (he lalramah hian Turkey-keite) te hian inzawmna an nei dawn bawk a ni. Engvangin nge Pathian hian John-a hnenah ramsa chi hrang pathum a sawizawm kan tih chuan Arab tih hi Arabia tih aṭanga lak niin Hebrai ṭawng chuan arabh tihna niin mi chi hrang hrang sawina a ni a, ram sawina a ni ngai lo. Arab ho pawh hi Middle East-a Arab hnam hrang hrang ho kha an nih vang a ni. Mixed People tih an ni. 

Daniela khan Sakawlh lalram chungchang tihian a lo sawi tawh a. 2:42 Tin, a kezungṭang a ṭhen thîr, a ṭhen hlum a nih ang bawk khân ram chu a ṭhenah chuan achak ang a, a ṭhenah chuan a chhe awl ang. 2:43 Tin, thîr leh hlum nêm inpawlh i hmuh ang ngei khan anni chu mihring chiin an inpawlh ang a; mahse thîr leh hlum a inpawlh tak tak thei lo ang bawk in an inzawm reng thei lo vang. Arab mite anga mi chi hrang hrang chawhpawlh a lo sawilawkna a ni. He sakawlh hi Jewish anih rinna a lian hle a, puithiam a ni ngei ngei dawn bawk a ni. 

Caliph Seal – 666 : A lema inhmuh ang hian line pathum chho hi Hebrai number a ni a, 666 a lo chhuak ang. Line pathum hnuaia line er pathum hi Greek number a ni a, hetah pawh hian 666 bawk a chhuak a ni. A chang erawh chuan Caliph hian hming lem, pseudonim a hmang ṭhin a, El-Ghazi tih niin Pasalṭha tihna a ni. He a hming lem hmanah hian 666 hi a chuang kalh bawk a ni. Isaia’n a lo sawi 14:12 Aw 'varparh,' 'zing lam fapa,' engtizia nge van ata i tlak tak chu le, a tih ang ngeiin a takin Muslim ten van aṭanga lung lo tla chu chibai buk tawh lovin Sakawlh chu chibai an buk tawh dawn a ni. 

Muslim nghahhleh Messiah chu : Kum 2006, Sept thla khan Iran President Mahmoud Ahmadinejad chuan UN-ah thusawiin, a thusawp tawp para hnih lekah chuan Messsianic Figure, Mahdi tia Muslim ten an koh, anmahni kaihruaitu tur chu khawvel tawp lamah a lo lan dawn thu leh ani chu Allah Prophets (Puithiam) hnuhnung ber anih tur thu a sawi ta! Ti tak maia Middle East a buai lai hian he anmahni hruaitu tur hi nghakhlel lo rua an ni lo. An lehkhabu Tirmidhi Sahih-ah chuan - The world will not come to pass until a man from among my family, whose name will be my name, rules over the Arabs, tih a inziak a. The Prophet (peace be upon him) said: The Mahdi will be of my family, of the descendants of Fatimah tiin he Mahdi tur hi Mohhamed-a thlah kal zel a mi anih tur thu pawh an sawilawk diam tawh nia! http://www.hope-of-israel.org/falseprophetmahdi.html