𝕴 𝖙𝖊𝖑 𝖑𝖔 𝖈𝖍𝖚𝖆𝖓...

Nunrâwnna, râwng taka mi chiltu chuan,

Kir lehna lamtluang reng a chhui mawlh lo,

Hringnun kal chhiar kim ni a awm ang maw?

Khuareiin nang thlah zai a rêl lo’ng e.

Chinlem nei lo lunglênna thângvanah,

Hliamthla mi chhiah reh thei tawh lo tura’n,

Thinlai dam ni a her chhuak thei ang maw?

Nang ngaih banzai rêl zawng ka thiam mawlh lo!

Aw, nun hian engtin awmzia a neih ang?

I tel lo hringnun chhiar kim a har e,

Uitu nei lova hmangaih thâmral tur,

Kei zawng ka ngai thiam thei mawlh lo va ni!