Hnam dang nupui pasala neih - Pathian thu aţangin !
(Pathian thîknain a ni Mizo tlangvalte kan thîkthu a chhiat zawk ni!)
Pathianin khawvel hnam tam tak zinga chî tê ber Israel hnam a thlan khan an zawm tur dan a duansak tam hle a. Chung zinga pakhat chu nupui pasal neih chungchangah a ni.
A hmasa berah Abrahama khan a awmna Kanaan ram nulate a fapa Isaaka'n a neih lohna turin a chhiahhlawh hotu kha chhia a chhamtir hial a. Esauva erawh chuan Hit nula a nei thung a!
Isaka nupui Rebeki khan Kanaan rama Hetha fanute Jakoba'n nupuia a neih leh zel chuan a tân nunin awmzia eng nge a neih tak ang tiin a pasal Isaaka kha a kar chiam a nih kha! Nupui nei turin Paddan ramah Jakoba kha an kaltir ta reng a.
A nu leh pa thu awihin Jakoba'n nupui a zawng tih Esauva'n a lo hriatin a pa Isaaka runluih nân liau liau Ismaela fanu Mahalathi-i a nei luih leh sak a nih kha. A hnu zelah tunge malsawmna dawng zawk kan hria.
Tin, Jakoba nupui Leaii nena an fanu Dinaii Hiv mi Sekema'n a pawngsual khan Dinaii unaupate khan an farnu thlavang nâ taka hauhin Hiv khuaa mipa zawng zawng an that chimit phiar a nih kha!
Khawvela lal ropui ber Solomon-a tlukchhiatna pawh hnam dang fanu nupuia a neih vang a ni a. Samsona meuh pawh Pathian laka pawt hrangtu chu hnam dang nula Delili-i a ni tih kan hria.
Israel fate kha Mosia hova Sitim rama an awm laiin Moab fanute an pawl avangin Pathianin thinur takin an chungah hremna thlentirin a khaihlumtir ta hlawm a. Israel fate pawh hrem a tum ta a.
Chutih lai tak chuan Israel tlangval pakhatin Midian nula a chhûngte hnenah a rawn hruai ngawt mai a. Arona tupa Phinehasana'n anni a han hmu chu fei nen a umzui a, an pahnihin a khawh hlum ta hmiah a!
Pathian a lawm ta êm êm si a ni! Pathian thîk anga thîktu nei Israel tlangvalte zinga an awm mial avang chauhin thinrim taka Israel fate hrem a tumna pawh a sût phah ta hial zu nia! Kristian tlangvalte hian ring lo mi pasala in nei hi nâ kan ti!
Kristian nula hmelţha leh duhawmte u, pasal nei tura duan in nih ang takin pasal nei mawlh rawh u. Mahse, in Kristianpui tlangvalte aia sum leh nawmsakna uma ring lo mi in neih hian Pathian thîkthu chhiatna ang takin in chungah kan thîkthu a chhe mai zawk a ni tih hre reng ţhin nang che u.
Nu leh pate u, in fanute ring lo mi hnena in hralh hian in chungah Pathian a lawm ang maw? Rebeki ang Zonu kan va ngai tak êm! Abrahama anga mahni chipui mo atâna thlang chat chat Zopa kan ngai ţhin a nih hi.
(Pathian thîknain a ni Mizo tlangvalte kan thîkthu a chhiat zawk ni!)
Pathianin khawvel hnam tam tak zinga chî tê ber Israel hnam a thlan khan an zawm tur dan a duansak tam hle a. Chung zinga pakhat chu nupui pasal neih chungchangah a ni.
A hmasa berah Abrahama khan a awmna Kanaan ram nulate a fapa Isaaka'n a neih lohna turin a chhiahhlawh hotu kha chhia a chhamtir hial a. Esauva erawh chuan Hit nula a nei thung a!
Isaka nupui Rebeki khan Kanaan rama Hetha fanute Jakoba'n nupuia a neih leh zel chuan a tân nunin awmzia eng nge a neih tak ang tiin a pasal Isaaka kha a kar chiam a nih kha! Nupui nei turin Paddan ramah Jakoba kha an kaltir ta reng a.
A nu leh pa thu awihin Jakoba'n nupui a zawng tih Esauva'n a lo hriatin a pa Isaaka runluih nân liau liau Ismaela fanu Mahalathi-i a nei luih leh sak a nih kha. A hnu zelah tunge malsawmna dawng zawk kan hria.
Tin, Jakoba nupui Leaii nena an fanu Dinaii Hiv mi Sekema'n a pawngsual khan Dinaii unaupate khan an farnu thlavang nâ taka hauhin Hiv khuaa mipa zawng zawng an that chimit phiar a nih kha!
Khawvela lal ropui ber Solomon-a tlukchhiatna pawh hnam dang fanu nupuia a neih vang a ni a. Samsona meuh pawh Pathian laka pawt hrangtu chu hnam dang nula Delili-i a ni tih kan hria.
Israel fate kha Mosia hova Sitim rama an awm laiin Moab fanute an pawl avangin Pathianin thinur takin an chungah hremna thlentirin a khaihlumtir ta hlawm a. Israel fate pawh hrem a tum ta a.
Chutih lai tak chuan Israel tlangval pakhatin Midian nula a chhûngte hnenah a rawn hruai ngawt mai a. Arona tupa Phinehasana'n anni a han hmu chu fei nen a umzui a, an pahnihin a khawh hlum ta hmiah a!
Pathian a lawm ta êm êm si a ni! Pathian thîk anga thîktu nei Israel tlangvalte zinga an awm mial avang chauhin thinrim taka Israel fate hrem a tumna pawh a sût phah ta hial zu nia! Kristian tlangvalte hian ring lo mi pasala in nei hi nâ kan ti!
Kristian nula hmelţha leh duhawmte u, pasal nei tura duan in nih ang takin pasal nei mawlh rawh u. Mahse, in Kristianpui tlangvalte aia sum leh nawmsakna uma ring lo mi in neih hian Pathian thîkthu chhiatna ang takin in chungah kan thîkthu a chhe mai zawk a ni tih hre reng ţhin nang che u.
Nu leh pate u, in fanute ring lo mi hnena in hralh hian in chungah Pathian a lawm ang maw? Rebeki ang Zonu kan va ngai tak êm! Abrahama anga mahni chipui mo atâna thlang chat chat Zopa kan ngai ţhin a nih hi.
No comments:
Post a Comment