(Lalchechhetluangzela! 😂😂😂)
Pathian khawngaihna avang liau liauin kâr 4 dawn damsamlo leh damdawiin hiala ka luh hnuin tahrik ni 16, Sahmulphah thla khan damdawiin aţangin ka chhuak ta a.
Nimin lamah khan damdawiin lamah leh dawr lamah thil eng eng emaw tih ngai a la awm avangin lirthei nen, passenger ţhutna hmuna tiang dah chungin in ka chhuahsan a.
Ka in ringtawk sual chiang kher mai! Falkawn lam pana ka natna chungchang ka va ngaihven kha tiang ka han hawl duh lo vel ngawt a.
Thil kan tihfel zawhin lirthei lam panin step chhawng thum lek ka zawh laiin ka ke-in mi zo ta ikhaw lo mai lo niin!
Muangchangin step-ah chuan ka tlusawp tain khawvel ka zuk nawr ta nâwk mai a! Ka bul hnaiah vai nupa, fa pakhat pawm chiah hi an la awm zui a!
Anni nupa chuan mangang takin min kai tho ta a nih kha! Ka thawmhnaw bal khu luih khawpa beng faiin ka kut pilh phung chu a thip zek mai a!
Tichuan, Chanmari lamah ka va phei leh ta a. Tun ţum ch7 fimkhur takin Civil Hospital thlanga damdawi dawr kawtah ka va inhung fel ta a.
Kan nau pakhat va hmuin ka chhuahsan tur, step chhawng li ka han zawh chu ka tlu leh ta niaih mai a. Tun ţum phei chu hmun laili tak niin miin min en duh nasa mai si a, a va zahthlak tak!
Tuna khawvela ka it ber chu Rowan Atkinson-a, Mr Bean tiha kan hmelhriatin Johnny English film-a wheelchair, lirthei anga khalh theih a neih ang kha zuk nia! 😂
No comments:
Post a Comment