‘Ram leh Hnam Tân’ tih hi tun hun atân a ni – Frederick Lalrindika.

Zanin Sermon-ah chuan thu lungchhiatthlak tak a lo lang a. Kan ram hruai mektu rorêltute, ‘Pathian leh kan ram tân’ titu chuan, ram pum huap chaw nghei \awng\ai nei tura, an hnena Pathianin mi a lo tirh tawhte chu lo hnarin, ‘Kan tih mi a ni lo ve’ tiin an lo chhang a.

 

Hindu sakhaw betute awpna hnuaiah, Mizoram chu Israel fate Babylon awpna hnuaia kum 70 sala an tang ang chiah khan, hei leh chen hi kan lo tang rei tawh a. Mahse, chuti chungin Pathianin min ensan lohzia, Pathian mite rawngbawlna, kum tam tak chhûng he ramah hian nung takin kalpui rengin a awm \hin.

 

Chung Pathian mite kaltlanga Lalpa thilmak tihte leh Harhna lo thleng \hinte chuan, kan ram hruaitute a au harh zo lo va. Nehemia’n thupha a chawi \uma, ‘Nimahsela…chapo takin thil an ti a, an intiluhlul a, i thupêkte an pawm lo a. An awih duh lo a, an zinga i thilmâk tihte pawh chu an hre duh tawh hek lo’ a tih kha!

 

Kan rama rorêl tawhtute pawh he dinhmuna ding hi niin, Hindu lal hnuaia kun chu Lalpa thupêk zawm aiin an thlanga, ‘An helin an bawih nihna lama let leh turin hotu an ruat ta zawk a!’ tiin kan ram hruaitute nungchang diuk tak chu puanin a awm ta a nih hi!

 

Chuvang chuan a ni, Chakma nula tlangval pawh thiamna lamah kan \halai rualin an tluk ta lo! Duet chuan hei hi chiang taka lo sawi lawkin, ‘Ram dang mi in zinga awmte chuan an sân khalh telh telh ang che u a, nangni chu in hnuai telh telh ang!’ tih chu kan chan, kan sual rah chu a lo ni ta mek a nih hi!

 

Kan ram hruai tawhtu leh hruai mek tawhtute hian, khawvel ngaih leh kohhrante mithmuhah chuan thil \ha tam tak an tiin, an ti mek a. Mahse, II Chronicles kan ena, Juda lal Amazia nen danglamna reng reng an awm lo! ‘Lalpa mit hmuhin thil \ha a ti a, amaherawhchu, a rilru a pe famkim lo!’ tiin, zahzeh an nei a nih hi!

 

Chuvangin Jeremia kaltangin, ‘Lalpa i Pathian chunga ni helna te, thingbuk hnuaia awze mite hnena i inphalraina te, ka \awngka chhuak i awih lohnatea i khawlohnaah chuan thupha chawi rawh!’ tiin kan rama rorêltute hnenah Pathianin thu a sawi phah ta a nih hi.

 

Israel ram chhiatzia an hmuha, ‘Hawh u, sawi chhiat kan nih tawh loh nân, Jerusalem kulh chu i din leh ang u’ titu kha Nehemia, Israelte hruaitu a nih kha! Ram leh hnam damna hi kohhran leh a rawngbawltute kutah chauh a awm emaw ti ram hruaitute an tam ta.

 

Zawlnei Joel-a chuan, “Chaw nghei hun serh thianghlim ula, inkhawmpui urhsûn tak ko rawh u…” a ti te te a. “Puithiam, Lalpa rawngbawltute chu hulhliap leh maicham inkârah chuan ţap sela, ‘Aw Pathian, i mite zuah la…’ ti rawh se” tiin, thupha chawina hi ram rorêltute hian Lalpa mite kuta an hlan a hun ta. Chu chu Pathianin MNF a phutna, zanin Sermon kaltlanga kan ngaihthlak chu a lo ni e.

 

Ram aia Pathian dah hmasatu kan rorêltute hian Lalpa an belh ngam phawt chuan, ani’n a lo tithlawn hauh dawn si lo a.