Ţ𝐡𝐚𝐧𝐠𝐭𝐡𝐚𝐫 𝐌𝐞𝐧𝐭𝐚𝐥𝐢𝐭𝐲 – 𝐳𝐚𝐡 𝐧𝐚𝐜𝐡â𝐧𝐠 𝐫𝐞𝐧𝐠 𝐡𝐫𝐢𝐚𝐭 𝐥𝐨𝐡𝐧𝐚 𝐡𝐢.

            ‘𝑨 𝒏𝒖𝒖𝒖…..𝑨 𝒎𝒂𝒂𝒂…..𝑴𝒐𝒎𝒚𝒚𝒚’ ti duai duai chunga rawn ţhang liante nungchang leh rilru puthmang ţhenkhat hi hi, Mizo thinlung aţanga lo thlir châng hian, a zahpuiawm sawt ţhin hle a nih hi. Mizovin ze ţha leh ze nghet kan neih ang zawng zawng kha, an nu leh pa te enkawlna hnuaiah an rawn thlauhthla fai ta vek emaw tih châng a tam ta.

 

            ‘Mi pa fa, mipa hlir in ni a, anthur tui nen ringawta chaw in ei a nih pawhin, in phun tur a ni lo’ tia ka nuin chaw ei laia min zilhnate kha ka ngaihtuah a. ‘𝑬𝒏𝒈 𝒂𝒏𝒈𝒂 𝒉𝒎𝒖𝒏 ţ𝒂𝒘𝒑𝒂𝒉 𝒑𝒂𝒘𝒉 𝒄𝒉𝒂𝒘 𝒍𝒐 𝒌𝒊𝒍 𝒏𝒈𝒂𝒊 𝒎𝒂𝒉 𝒔𝒆, 𝒊𝒏 𝒌𝒊𝒍 𝒉𝒓𝒆𝒉 𝒕𝒖𝒓 𝒂 𝒏𝒊 𝒍𝒐. 𝑴𝒊𝒛𝒐 𝒕𝒍𝒂𝒏𝒈𝒗𝒂𝒍 𝒊𝒏 𝒏𝒊𝒉 𝒄𝒉𝒖𝒂𝒏, 𝒄𝒉𝒂𝒘𝒉𝒎𝒆𝒉 𝒍𝒆𝒉 𝒄𝒉𝒂𝒘𝒆𝒊 𝒅𝒂𝒘𝒉𝒌𝒂𝒏𝒂 𝒕𝒉𝒊𝒍 𝒄𝒉𝒉𝒂𝒘𝒑 𝒓𝒆𝒏𝒈 𝒓𝒆𝒏𝒈 𝒊𝒏 𝒔𝒂𝒘𝒊𝒔𝒆𝒍 𝒕𝒖𝒓 𝒂 𝒏𝒊 𝒍𝒐’  tia min zilhna leh fuihna te khan tun hun hi min thlen a.

 

            Mizona chuan tawrh chakna te, lungawi thiamna te, phunchiar lohna te, ngawih theihna te a keng tel ţhin. Chu chu keini ang rual kha chuan kan la ţhan lenpui chiang a. ’𝟗𝟎 hnu lama piangte erawh hi chu, an nu leh pa te hian eng hnam ze thu leh hla te hmangin nge an fate an fuih seilen hriat thiam a har ta a nih hi.

 

            Mizoram sawrkar-in pawisa a nei lo takzet a. Chuti chûngin State pawna Mizo tangkhâng ringawt tur chu ngai thiam lovin, theihtawp chhuahin a zuk la chhuak a. A thlawn vekin an kalna man a tumsak bakah, Mizoram an lo thlena an ei leh in tur pawh, tuihnâi tak a la hluisak ta zel a.

 

            Ka zinna thingtlang khaw ţhenkhatah, kâr tluana dailuah hmeh lohna, tela kän hmûi chawhmeh min hmehpui theih miah lohna a tam mai. Chung mite aia tuihnâi leh changkang zawk chu sawrkarin Quarantine chhûnga an ei tur nitin a buatsaihsak a.

 

            Chuti chung chuan kan ei a chhia, kan chhun thingpui hmeh a dawrawm lutuk tia la phun ngam ţhangtharte hi an nu leh pa te hian zahpuia, in lama an luhpui hnuah, Mizo ze mila an enkawl a ţha hlein a rinawm. Hun harsa leh hun hahthlak tak kan tawk mek a, chutiang hunah lehzel pawh, a thlawn liau liaua an thil dawna phun duh mi hian, hringnun awmzia hi a man hauh lo tihna a ni.

 

            Eng ang ei leh in tur pawh sawrkarin lo hlui se, vai rama tangkhâng mai mai tur an nihzia, chu hmunah chuan ei leh in kawnga duh an thlan theih lohzia ngaihtuah chungin, eng hunah pawh hrilêng kai theihna hnuai ata duat takin sawrkarin in lam hmun himah a hruai haw a nih tih hi an an rilruah riak reng se la, a lawmawm ngawt ang.

 

            Aia upa zahna tlachham taka rawn seilianin, an tuar a chhel lovin an phun a chiar êm êm a. Zahna an tlachhamin kawng engkimah nunphung an hloh mek a. 𝐇𝐮𝐧 𝐩𝐡𝐞𝐥𝐡 𝐭𝐡𝐚𝐰𝐥 𝐚 𝐡𝐚𝐧 𝐧𝐢𝐡 𝐫𝐮𝐚𝐥𝐚 𝐤𝐚𝐧 𝐡𝐦𝐮𝐡 𝐧𝐠𝐡𝐚𝐥 𝐜𝐡𝐮, 𝐚 𝐡𝐮𝐡𝐨𝐯𝐚 𝐦𝐢 𝐬𝐮𝐚𝐥 𝐫𝐚𝐰𝐧 𝐚 𝐧𝐢𝐡 𝐧𝐠𝐡𝐚𝐥 𝐧𝐠𝐚𝐰𝐭 𝐤𝐡𝐚!

 

            Ţhangtharte hian a hun leh a hmun thliar thiam ula. Zah nachâng hriat hun leh ngawih chuh hunte hi hre mawlh rawh u. Nu leh pa te pawhin, ‘𝑯𝒆 ţ𝒉𝒂𝒏𝒈𝒕𝒉𝒂𝒓 𝒉𝒊 𝒕𝒖 𝒇𝒂 𝒏𝒈𝒆, 𝒕𝒖 𝒏𝒈�� 𝒂 𝒏𝒖 𝒍𝒆𝒉 𝒑𝒂?’  tia, vantlângin demna nena thu an zawh hunah, in zah fo lohna turin in fate hi Mizo taka enkawl kawngah \an han la ve bawk teh u.

 

            A tawp berah chuan in fate hi Pathian ke bula hruai hun a ni tih hriain, Vanram kawng an zawh kawngah hian a hlawhchham pawlah an \an hlauin, nitin theihtawp chhuah nachâng hre thar zawk teh u. 𝐊𝐡𝐚𝐰𝐯𝐞𝐥 𝐭𝐡𝐢𝐥𝐚 𝐝𝐮𝐚𝐭 𝐭𝐚𝐤𝐚 𝐢𝐧𝐞𝐧𝐤a𝐰𝐥 𝐡𝐢 𝐯𝐚𝐧𝐚𝐡 𝐢𝐧 𝐜𝐡𝐡𝐚𝐰𝐦 𝐭𝐞𝐥 𝐬𝐢 𝐥𝐨𝐡 𝐜𝐡𝐮𝐚𝐧, 𝐢𝐧 𝐥𝐮𝐧𝐠𝐧𝐠𝐚𝐢𝐡𝐧𝐚 𝐭𝐡û𝐤 𝐥𝐮𝐭𝐮𝐤 𝐜𝐡𝐮 𝐳𝐮𝐡 𝐥𝐮𝐡 𝐜𝐡𝐡𝐮𝐚𝐡 𝐭𝐡𝐞𝐢𝐡 𝐥𝐨𝐡 𝐤𝐚𝐰𝐩𝐚 𝐤𝐡𝐮𝐚𝐫𝐤𝐡𝐮𝐫𝐮𝐦 𝐦𝐚𝐰𝐧𝐠 𝐧𝐞𝐢 𝐥𝐨, a ni palh hlauh ang e.