A lehkhabu thar
ber Origin laimu pawh hi a lehkhabu dangte ang bawkin mi tin ngaihven hlawh a
ni leh nghal chat a. Khawi aţanga lo awm nge kan niha engtin
zel nge kan awm dawn, tih chhanna hmuchhuaktu Futurist Edmond Kirsch-a chu a thil
hmuhchhuah khawvel mithmuha a tarlan zawh hma chiahin thah a ni a.
A thil hmuhchhuah
zuk hailang tura Robert Langdon-a, Harvard Prof leh Spain lal fapa nupui hual, Ambra-ite
zinkawng leh a kâra sakhuanna thawnthu ngaihnawm tak tak inzehna niin William
Blake-a poetry hmanga chhanna hmuhchhuah a nih dan hi ngaihnawm tak a nih
rualin tu nge William Blake-a hi tih zawhna inzawh loh theih a ni lo.
Blake-a hla hril
tam zawk han en hian sakhuanna, a thim zawng leh a êng zawnga thlirna, Pathian
leh a kaihhnawih chungchang hlir a phuah emaw tih mai tur niin a hla hril tam
zawkte pawh chhuizui ngai tak leh ril tak tak an lo ni reng a.
‘The dark religions are departed
and sweet science reigns’ tih tlar hi, hrilhlawkna hla a phuah zawh hman tak
loh, The Four Zoas aţanga lak a ni a. He hla hi tlat 407 zeta sei niin a tlar tawp ber lai hian
ngaihtuah a tithui duh hle.
Blake-a hian nunna
lo awm ţan dan hi a siama siam chhuah ni
lovin hun kal zelin mumal taka a hrin chhuah niin a ngai a. Nunna neia hun kan
hman chhoh dan kimchang taka tarlan niin thiamna leh finna sâng zela mihring
dinhmun leh mihring thiamna pung zelina min tih danglam dan a tarlang kimchang
hle.
Mahse, Blake-ate
hun lai hi Sakhuana leh Science indo lai a la nih tlat avangin thu nasa taka
khuh a ngaih hun lai kha a ni a. Chu chuan a hla hrilte hi hriatthiam a tihar
zual kan tithei awm e. Chu thiamna leh finna nasa tak a neih kaltlanga a
kutchhuak (super computer leh artificial intelligent) hmang chimpila kan awm
dan tur a tarng a ni ber.
Chu chuan Dan
Brown-a hi nasa takin a kaihruai tih a hriat theih a…ka mit a nâ tain ka mit a
fiah ta lo em mai a, nidangah chhunzawm mai ang aw...
No comments:
Post a Comment