Ţ𝖆𝖜𝖓𝖌ţ𝖆𝖎𝖓𝖆 𝕳𝖑𝖆

Ka hriatrengna vangin ka mangang a,
Hlauh vangin ka tha hial a khur bawk ţhin,
Engvang nge mi chimawm dam khua a sei,
An lo upata thu an neih tial tial?

An thawhrahte làm tihngheha awmin,
An rîla rahte rahte an lo ţhanlen hi?
An in leh lote lah a chhiat hlau loin,
Pathian talhfiak reng an hmachhawn loh hi?

An fate ranrual anga tualchaiin,
Rimawi remin hlim takin an lam a,
Anmahni pawh nuamsa taka nungin,
Thlamuang takin thlanah an zâl ţhin hi.

Khâknaa khat mi pawh a boral a,
Nun nuamin vawi khat pawh a ei si lo,
Angkhat vekin vaivutah an zâl a,
Changpatte chaw mai an ni tlang si a.

Aw ka Pathian, i remruat awmzia reng,
Ka hriatna beitham tak hian a hrethiam lo,
Mak tihnaa khatin ka rum ţhin a,
Ka ngaihtuahnate vangin ka chau ta.

Nimahsela, sual lakah min veng la,
Thil ţha lo lakah min humhim ang che,
Ka sualnate vangin mi hlat suh la,
Ka lakah zahngaiin min awm fo rawh.