My Muse!

A eng chu nge i chungnun êm êmna,
I ziarâng danglam bik êm êmna chu?
Ze tinrenga lantir a, sawi chhuak thiam,
In anna reng nei lo, duhawm chungchuang;
Mihring ze khat nei nuna nitin mai,
Ze hrang duhawm tinreng lantir ṭhintu;
Lianchia hlimthla duhawm lem ziak i la,
Bumna lemziak chuan i hlimthla suak bak;
A phochhuak phak lovin Chawngtinleri,
A mawina zawng zawng nên manbet i la;
I hlimthla chaurau tak bak kan hmu lo’ng,
Mawina tinrenga i hlimthla chambang;
Duhawmna tinreng kâra hmuhhmaih theih loh,
Anni nên inanna reng nei si lo;
Thinlunga hmelṭhatna chuai ngai lotê.

𝕸𝖎𝖉𝖓𝖎𝖌𝖍𝖙 𝕸𝖊𝖑𝖆𝖓𝖈𝖍𝖔𝖑𝖞

Hear me, my soul is so full of troubles,
And my life draweth night unto the grave,
I am among those who goes down the pit,
I am as a man that hath no more strength.
Thou hast laid me bare in the lowest pit,
Thy wrath and contempt doth hard upon me,
And thou hast afflicted me with thy waves,
I am shut up and i cannot come forth.
Oh that i were in days thou art with me,
Mine days was fresh in me so art my soul,
The flowers appear on the earth and bloom,
Arise my love, come forth and redeem me.
O my love that art among the fairies,
Let me see thy countenance, hear thy voice,
For sweet is thy voice that tunes like a wren,
And thy countenance is always comely.

𝐏𝐀𝐂𝐇𝐔𝐀𝐔 𝐏𝐎𝐄𝐓𝐑𝐘 - 𝐕𝐈𝐈

Hmelṭhatna chu uangthuang intivei, 
Lehkha phek chhinchhiahna tlê tak chuai leh mai;
Pangpâr pâr vul lai tak chuaia tla kàwlh ang leh,
Palang mawi kehsawm tura chei mawi ang;
Hun vei khat chhûnga thu tak reng fun lo,
Darkâr bi chhûnga vul lai chuai mai chu;
Thil hlu hloh hnu chhar chhuah tur vâng tak ang,
Tlêtna hloh tawh nawh tlet ṭhat theih tawh loh;
Tualchâr pangpâr vul lai chūl hlen riai riai,
Palang kehsawm char zawm ngaihna awm lo;
Hmelṭhatna ruangam tarlanna ngei chu,
Kumkhua atân vawikhatah a chūl hlen.

𝐴 𝑉𝑂𝐼𝐷 𝑆𝑂𝑈𝐿 !

My days are stained with darkness and terror,
My roaring pour out like a waterfall,
I am not at rest neither in safety,
Neither was i quiet yet trouble finds me.
Why stand-est thou afar off my princess?
Hides thyself from me in times of my need?
How long wilt thou forget me, forever?
For i have sorrow in my heart daily.
I sink in deep mire where there's no standing,
Fell into deep waters sinking deeper,
Where the floods overflow me with disdain,
And mine eyes fail while i await for thee.
My soul longeth, yea, my heart and flesh crieth,
Even fainteth for the courts of thy realm,
Blessed is he that dwell in thy company,
Mine heart longeth that which he hold most dear.

𝗜𝗡𝗦𝗣𝗜𝗥𝗔𝗧𝗜𝗢𝗡 !

I hnâra nunna thâw a la thâwk chhûng,
I chung thu thai tur ka haichham ang maw?
Ka chham hlate'n i lak aţangin a ni,
Thatho taka pûr an châwk ţhin, hre rawh.

Ka chham hla chhiar tlak, fak tlak a awm chuan,
Aw ka duh tak, chawimawina i ta bil,
Thil mawi zirna pathiannu chungnung ber,
Chham hla siamtu dangte ţanfung khumtu.

I mawinate chu a duh apiangte'n,
Inthlahrung lovin thai râng mawlh rawh se,
Chung hla chuan hun meuh a ral hunah pawh,
Boral tik ni reng nei lo awm i ni.

I mawina thurûk chhiar peih an awm chhûng,
Thai lan ka chan, chawimawi erawh i pual. 

Vαнvαιнɴα Lαмтlυαɴɢ Tнυι !

Nunrâwnna, râwng taka mi chiltu chuan,

Kir lehna lamtluang reng a chhui mawlh lo,

Hringnun kal chhiar kim ni a awm ang maw?

Khuareiin nang thlah zai a rel lo’ng e.

Chinlem nei lo lunglênna thangvanah,

Hliamthla mi chhiah reh thei tawh lo tura’n,

Thinlai dam ni a her chhuak thei ang maw?

Nang ngaih banzai rel zawng ka thiam mawlh lo!

Aw nun hian engtin awmzia a neih ang?

I tel lo hringnun chhiar kim a har ngei,

Uitu nei lo va hmangaih thâmral tur,

Kei zawng ka ngai thiam thei mawlh lo va ni! 

What is thy substance ?

I chhûngril ziarâng tak hi eng ni maw?
Kil tin kawi tinah i hlimthla ziarâng,
Chhingmit hawina apiangah an inlar hi!
Hringmi chuan hlimthla pakhat ţheuh neiin,
Nang erawh pakhat chauh niin hlimthla,
Sang tam neiin laitual i lên si hi.
Lemziaktu'n Lianchia leh Chawngtinleri,
Hlimthla ziak dawn ni se nang lo tu nge,
Entawn tur hlimthla dang a neih ang ni?
Nipui, favang, ţhal, sik leh sa tinah,
An hun lai mil zelin i hlimthlate chu,
Mit khawhmuhnate'n an thlir ţhin tak hi!
Khawvel mawina leh duhawmna tinreng,
Mit khawhmuhna tinah inlar ţhin mah la,
Anni nen khaikhin rual loh, i chungchuang!

Hnêmtu Zahngai Lo !

 

 

Aw ka thinlung, mi zilh bansan lul rawh,
Chhihhri-a tui luang tlang ang mai a ni,
Ka bengin i thu hla a dawnsawn ţhin,
Luak tichhuak ri mawi tum sual luih ang hlauh!
 
Kei ang êma hmangaihna dai thûk zet,
Nuin fa a hmangaihna tlukpui ang,
Thihna hrui valh hial pawh bát ngamtu chu,
A hliam pawh a thûkin a nâ reng e!
 
Kei ang bawka hmangaihnaa luangliam,
A kuam tin zawh chhuak thlapa hlimna chhar,
Kei ang taka hmangaihnaa chawm thau,
A ţang tluka hmun nuam dang tawng ngai lo!
 
A hmangaih ber vanga nitin hlim ţhin,
Ka rimtawng zia ang zela mi hnêm thiam,
Ka khawharna ruam zau tak zawh ve tawh,
Ka lunglênna khawvel ngainatu chu!
 
A ni, ka hliam ang hliampui tuar ve tawh,
Ka chhûngril keh sâwmna ang thinlung nei mi,
Ka mittui khuah dïl ang lo khuap ve tawh,
Ka lungngaihna tlângchhip chuan ve tawh chu!
 
Chutiang mi an awm ve reng a nih chuan,
Ani chu han hruai la, mi hnêm ang hmiang,
Nguina thlifim paipawn chunga nui thei,
‘I awm dan bansan rawh’ titheitu ngei chu.
 
Chu mi chuan nang ang bawka nui chunga,
Khabe tuai paha, ‘|ang fan fan’ ti lo a,
I lungngaihna puan hlip rawh ti zawka,
Damna khawvel mi kawhhmuh theitu chu.
 
Thu fing hmangtea mi tuam dam theitu,
Vanduaina meuh pawh amah leh amah,
Intheihnghilhtir ţhak khawpa hrai rui thei,
Han hruai la, a thu ka lo zawm ang e.
 
Mahse, chutiang mi an awm thei ngai lo’ng,
Lungchhiatnain bu khuar nâna a hman,
Khawharna vawrtawpin lû nghah nân a neih,
Chutiang mi’n thurawn reng a mamawh lo!
 
Tu’n nge thurawn hmanga thinrimna beng dai?
Thu fing hmangtea lungngaihna tikiang?
Thinlung chawmawlhna hruihrual phelh tura,
Van meuh au eih thei an awm mawlh lo e.
 
Nunna chu thâwk lâk hlekah a nâa,
Thute vangin a rûm hlum lo chauh e,
Lungngaihna tlakbuakin a hrem hnena,
Dawtheihna thu sawi chu bansan lul rawh!

Hmangaih Ngiatna!

Hmelṭhat duhawmna ka ngen a ni lo,
Thla meuha beidawnna lo lang chhuak mek;
Vûr tluka thianghlim kut fai ni bik lo,
Lasi nula bahsam mawi, biangnotê.

I mitmeng ârsi vám iang ka ngainat,
I heh no, pangpâr pâr chhuah zahtirtu;
I khawite hnun khuavangte'n an chawi leh,
I zalpuan nêm, i sakruang chawlhna nen.

Chung chu pawn lam cheimawina tlereuh,
Uaia chul leh thuai ṭhin an nih si hi;
Hmangaihte khuavel lam pawh vaivutah,
Khuarei chuan a rawt dip ṭhin love'm ni?

Hmangaihna chu cheimawi chawp ni lovin,
Thinlung nun nêm leh rinawmnaa khat;
Thlemna lo thleng kâra rinawm reng tûr,
Chu ngei chu ka ngenin ka ngiat a ni!

Ngaihngam taka a ṭangah bei chung a,
Ka hringnun thurûk chhia ṭha tinrengte;
Vahkhuaite'n pârzu thlum hliahkhuh phena,
An phun ri an thuhrûk ngamna ang chu!

Ka lei hringnun nawmna vawrtawp kawltu,
I mi hmangaihna chuan theih loh reng reng;
Nei lo se, ka thlarau chawlh hunah lam,
Chák takin mi umzui thei zawk se aw!

Thlakhlelh chikima ka thlakhlelh a ni,
Ani hmuh chu vanneihna tak zet maw?
Thinlunga hmangaihna lo pâr mawi,
Ka tân vanduaina a nih si hi le!

Ani tawn loh min duhsak chiam ang maw?
Chuti ka tân hringnun pawh engmah lo!
Chhia leh ṭha hriatna zilhfung ka hmelma,
Tawnsabawp hmangaihna ka thlakhlelh hi!

Leilung mawitu duhawm, mi ringhlel suh,
Ka nungchang ka hriat thiam bik i ring maw?
A chhan hriat loh chhanna hriat hma loh zawng,
Chhanna pêk tûr che ka nei lova ni!

Tlâng rel leh khua sel ka tân a nâ lo,
Nang nen runhmun len dun rem lo zawk hi;
Hemhmun! vanduaina ânchhia! ka chau e!
Piang lo tawp ila, ka lawm a kim tûr!

Hriat thiamna khawiah nge ?

An thinlunga hriat thiamna, khawiah nge?
An mita fiah taka hmuh theihna pawh?
An benga nghik thawm ngaihthlak thiamna pawh,
Hriat fiahna ruai reng an kil thiam si lo.

Puanzar phena hlimthla hmu thiam lovin,
Lukhum hnuaia sakruang zinkawng zawh nen,
Ri lo va rum thawm, ţap ráwih ráwih thawm leh,
Pindan ril chhûnga mangang aurâwl nen!

A zinkawng zawh khawharthlak, thim chhahzia,
A chhûngril ber rilţamna tlai ni awm lo,
A thlarau nun làm saruaka vakvai,
Lei hreawma lungchhe vankaia chu!

A kâ rengin a tawrhzia puang lovin,
A chetzia pawhin a hreawm chanchin,
A leili nen an puangzar ngai lo ve,
Ngawih rengna, a ţanga a pawmtlei chu!

Ruam Vakvai !

Mi hnutchhiahna  hmun hi khawi nge ni ngai?
Lei nge van tih reng ka thliar thiam lo e,
Tuipui hnâwng kâr nge meipui vâm zinga'n?
Tun hun pawh eng dârkâr bi nge ni le?

Hah rimtawngna nge lû sunna hmun zawk?
Thih nawmna nge dam thlakhlelhna nun zawk?
Nunna meuhin thihna a zãr buaia,
Thinlûng taka a lo kuangkuah tak hi!

Vawi khat mai ni lo mi tihlum nawnin,
Mitmeng remhriatna phena thinlung sak;
Chêksāwlhna leh entleuna pai chunga,
Bumna tinrenga chawivul inlemna!

Ka thinlung pachhiatna laka hnehtu,
Ka khawhmuhnate'n an chawisân lalnu;
I kâm chhuak ri mawi tinreng zingah hian,
Khawngaihna ri fán thawm a dai ta si!

I heh thianghlimna pârzû ka tlan chuan,
Eng intiamkamna khawlhkham nge a pai tel?
Mahni lam insal beta intiamna,
Chu chuan lungawina zawng mi thlen tak a.

Nang chuan sal angin mi lei ta zawk a,
Hnuaichhiah nun mi hnawn ta hlauh zawk si a;
Hralh suma mi tlanna avangin,
Ka kâm chhuak tihtlawma phuarbeh a ni.

Vawi tam tak i mi fawhnate ngei chuan,
Thinlung lei khêk hmunah chanvo neiin;
Nawmchennain a man mi ţhing let si,
Vawi tam mi khawih chingpenna chu eng nge?

Kâwlphe tluka rang nawmna pai si lo,
Batna lehkha phek erawh tichhahtu;
Rulh zawh loh tur thleng thleng bat belhna chuan,
Vawi za fawhah pawh mi tlan chhuak si lo!